સુરતના કતારગામમાં પટેલ ફળિયામાં અંદાજિત રૂ. ત્રણ કરોડના 1300 કેરેટ હીરાની ચોરી થયાની ઘટના સામે આવી છે. 1300 કેરેટ હીરાની ચોરી કરીને બે કારીગરો ફરાર થયાની આશંકા છે. આ ઘટનાને લઇને પોલીસ ઘટનાસ્થળે પહોંચી હતી. પોલીસે ગુનો નોંધીને વધુ તપાસ હાથ ધરી છે.
સુરતના કતારગામમાં 3 કરોડના હીરાની ચોરી
HVK ડાયમંડ કંપનીમાં બોઇલ કરવા આપ્યા હતા હીરા
2 કારીગરો હીરા ચોરી ગયા હોવાની આશંકા
સુરતના કતારગામમાં HVK ડાયમંડ નામની કંપનીમાં કારીગરો 1300 કેરેટ હીરા બોઇલ કરવા લવાયા હતા. પરંતુ બોઇલ કર્યા બાદ કારીગરોએ હીરા મેનેજનને આપ્યા વીના નાસી ગયા હતા. જેને લઇને પોલીસના ઉચ્ચ અધિકારીઓએ ઘટનાસ્થળે પહોંચીને તપાસ હાથ ધરી છે. પોલીસે સીસીટીવી ફૂટેજ અને ડોક્યુમેન્ટની તપાસ હાથ ધરી છે. કારખાનામાં અન્ય કારીગરોના નિવેદનો લેવાયા છે.
હીરાના કારખાનાના સૂત્રોના જણાવ્યા અનુસાર, આ બન્ને કારીગરો વર્ષોથી કંપનીમાં કામ કરતા હતા. હીરા બોઇલ કર્યા બાદ બન્ને કારીગરો હીરા લઇને નાસી ગયા છે.