કરજણ કોર્ટ દ્વારા નાર્કો અને પોલીગ્રાફ ટેસ્ટને અપાઈ મંજૂરી
વડોદરાના PI અજય પટેલની પત્ની સ્વિટી પટેલ છે ગાયબ
વડોદરાના ચકચારી PI અજય દેસાઈની પત્ની સ્વિટી પટેલ ગુમ થવાના મામલે મોટા સમાચાર સામે આવ્યા છે. જેમાં પોલીસકર્મી પતિ અજય દેસાઈના પોલીગ્રાફ અને નાર્કો ટેસ્ટની મંજૂરી મળી ચૂકી છે. કરજણ કોર્ટ દ્વારા આ મંજૂરી આપી દેવાઈ છે. આ સાથે પોલીસ સતત તપાસમાં અને કડી શોધવામાં મથી રહી છે. દહેજ પંથકમાં પણ તપાસની કામગીરી ચાલી રહી છે. જો કે, હજુ સુધી પોલીસને આ મામલે સ્વિટી પટેલની ક્યાં અને કઈ હાલતમાં હોવાની માહિતી મળી નથી.
દહેજના અટાલી ગામની એક ઈમારત પાસેથી મળ્યા કેટલાક અવશેષ
મહત્વનું છે કે, વડોદરાના PI અજય દેસાઈના પત્ની ગુમ થવાના મામલે પોલીસને શંકાસ્પદ માનવ અવશેષ મળ્યા હતા. એક પોલીસકર્મીના પત્ની સ્વિટી પટેલ છેલ્લા ઘણા સમયથી ગુમ છે. જેને લઈ રાતદિવસ પોલીસ તપાસનો ધમધમાટ શરૂ કર્યો છે. દહેજના અટાલી ગામ પાસે અવાવરૂ જગ્યાએથી આ માનવ અવશેષ મળ્યા છે. બિલ્ડિંગ પાછળથી મળી આવ્યા છે શંકાસ્પદ અવશેષ તપાસ માટે એફએસએલમાં મોકલાયા છે. મળેલ અવશેષોનો DNA ટેસ્ટ પણ કરવામાં આવશે. અવશેષ સ્વિટી પટેલના હોવાનું પોલીસ અનુમાન લગાવી રહી છે. જો કે, FLS અને ડીએનએ રિપોર્ટ બાદ જ સત્ય હકીકત સામે આવશે.
વડોદરાના PI અજય દેસાઈની પત્ની ગુમ થવા મામલે પોલીસે તપાસનો ધમધમાટ શરૂ કર્યો છે જેમાં ઈઝરાયલની સિસ્ટમની મદદથી FSL દ્વારા તપાસ કરવામાં આવી રહી છે થોડા દિવસ અગાઉ ગાંધીનગર FSL ખાતે અજય દેસાઈનો SDS ટેસ્ટ કરવામાં આવ્યો ટેસ્ટ પહેલા અજય દેસાઈની સ્વૈચ્છિક મંજૂરી પણ લેવામાં આવી હતી સસ્પેક્ટેડ ડિટેક્શન ટેસ્ટમાં ઓડિયો સાંભળતા સમયે શંકાસ્પદ વ્યક્તિના પરસેવાને આધારે ટેસ્ટ કરવામાં આવે છે. આ ટેસ્ટ થયા બાદ બે દિવસમાં FSL રિપોર્ટ જાહેર કરશે.
મહત્વનું છે છેલ્લા એક મહિનાથી PI અજય દેસાઈના પત્ની સ્વિટી પટેલ ગુમ છે જેમા સ્વિટી પટેલના ગુમ થવામાં પતિ અજય દેસાઈની ભૂમિકા પર શંકા સેવાઈ રહી છે ત્યારે અજય દેસાઈનો SDS ટેસ્ટ કરવામાં આવ્યો હતો.
વડોદરાના PI અજય દેસાઈની પત્ની ગુમ થવા મામલે પોલીસે તપાસનો ધમધમાટ શરૂ કર્યો છે. જેમાં ઈઝરાયલની સિસ્ટમની મદદથી FSL દ્વારા તપાસ કરવામાં આવી રહી છે. ગાંધીનગર FSL ખાતે અજય દેસાઈનો SDS ટેસ્ટ કરવામાં આવ્યો હતો. ટેસ્ટ પહેલા અજય દેસાઈની સ્વૈચ્છિક મંજૂરી પણ લેવામાં આવી હતી. સસ્પેક્ટેડ ડિટેક્શન ટેસ્ટમાં ઓડિયો સાંભળતા સમયે શંકાસ્પદ વ્યક્તિના પરસેવાને આધારે ટેસ્ટ કરવામાં આવે છે. આ ટેસ્ટ થયા બાદ બે દિવસમાં FSL રિપોર્ટ જાહેર કરાશે. મહત્વનું છે કે, છેલ્લા એક મહિનાથી PI અજય દેસાઈના પત્ની સ્વીટી પટેલ ગુમ છે. જેમા સ્વિટી પટેલના ગુમ થવામાં પતિ અજય દેસાઈની ભૂમિકા પર શંકા સેવાઈ રહી છે. ત્યારે અજય દેસાઈનો SDS ટેસ્ટ કરવામાં આવ્યો હતો.