લગ્નની વર્ષગાંઠ હોય અને પત્ની ઘરે રાહ જોતી હોય ત્યારે પતિ પણ તેના બધા જ કામ પતાવીને ઘરે જવા માટે ઉતાવળો બન્યો હોય પરંતુ ઘરે પતિ નહી તેની લાશ આવે તો તે પત્નીની હાલત કેવી થાય? આવી જ એક ઘટના બની છે પંજાબના કપૂરથલા જિલ્લામાં.
લગ્નની ઍનિવર્સરી પર પતિની આવી લાશ
યુવકની જૂની અદાવતમાં થઇ હત્યા
યુવક પર ગાડી ફેરવીને કરવામાં આવી હત્યા
પહેલી ઍનિવર્સરી હતી
યુવકનું નામ રવિંદર કુમાર હતુ અને મંગળવારે તેની પહેલી ઍનિવર્સરી હતી. ત્યારે રવિંદર તેના મિત્રો સાથે ઢાબા પર જમવા ગયો હતો. ત્યાં જ કેટલાક શખ્સ સાથે રવિંદરની માથાકૂટ થઇ ગઇ હતી.
જૂની અદાવતમાં કરાઇ હત્યા
પોલિસના જણાવ્યા અનુસાર, રવિંદર અને સામેના પક્ષના લોકો વચ્ચે જૂની કોઇ અદાવત હતી. જેને લઇને તે લોકો રવિંદરને અપશબ્દો બોલવા લાગ્યા હતા. બસ આ વાત એટલી આગળ વધી ગઇ કે એક યુવકે રવિંદર અને તેના મિત્રો પર ગાડી ચડાવી દીધી અને રવિંદરનું ઘટનાસ્થળે જ મોત નિપજ્યું હતુ.
બે આરોપીની થઇ ધરપકડ
ઘટનાને અંજામ આપીને આરોપી ફરાર થઇ ગયા હતા. મૃતક રવિંદરના ભાઇના નિવેદન પ્રમાણે બે આરોપીની ધરપકડ કરી લેવામાં આવી છે. તેમની સામે હત્યાનો ગુનો નોંધીને આગળની તપાસ હાથ ધરી છે.