સુરત શહેરના ખટોદરા વિસ્તારમાંથી ખાનગી જાસૂસ ઝડપાયો હતો. પતિએ પત્ની પર વૉચ રાખવા રોખ્યો હતો. જાસૂસ પકડાયેલો પત્નીની પલપલની ખબર ટેલિફોનિક અને વોટ્સએપ માધ્યમથી ફોટા મોકલી આપતો હતો. પકડાયેલો જાસૂસ સ્વિગી ડિલિવરી બોયના સ્વાગમાં જાસૂસી કરતો હતો.
સુરત શહેરમાં ખાનગી જાસૂસ ઝડપાયો
પતિએ પત્ની પર વૉચ રાખવા રોખ્યો હતો
વોટ્સએપ માધ્યમથી ફોટા મોકલી આપતો હતો
સુરત શહેરના પારલે પોઇન્ટ વિસ્તારના એક ધનિક પરીવાર જેમાં કોઈ કારણસર પતિ-પત્ની વચ્ચે ઝઘડો થયો અને વાત છુટાછેડા સુધી પહોંચી અને કોર્ટ કેસ થયો. છેલ્લા ચાર વર્ષથી ચાલતા કેસને લઈને પતિને એવા પુરાવા જોવાતા હતા કે તે કોર્ટમાં સાબિત કરી શકે તેની પત્ની સુખી છે અને પોતે કામ ધંધો કરે છે. તેથી તેને ભરણ પોષણ નહીં આપી શકે.
બસ આ વાતના તેને પુરાવા જોવાતા હતા. તેથી પતિએ ઓનલાઇન જાસૂસીની એજેન્સીના નંબરો શોધ્યા. ત્યાં સુરતના એક જાસૂસ જ્વાલા સિંગ રાજપૂતનો નંબર મળિયો તેણે જ્વાલા સિંગને કોલ કરી કહ્યું કે તેમણે એક કામ કરવાનું છે, તેની પત્ની પર નજર રાખવાની છે. તે શુ કરે છે તેની પલપલની માહિતી આપવાની છે. તેને એ કામના રોજના 400 રૂપિયા આપશે. જ્વાલા સિંગે સોદો મંજૂર કર્યો અને જાસૂસી કરવા લાગ્યો.
જ્વાલા સિંગે 20 દિવસ સુધી તે પત્નીની જાસૂસી કરતો રહ્યો અને એક દિવસ જ્યારે તે ફરી મહિલાની ફેકટરી બહાર કારના ફોટો પાડી રહ્યો હતો. ત્યારે સ્થાનિકોએ રોજ રોજના જ્વાળા સિંગને ફોટો પાડતા જોઈ મહિલાના પિતાને વાત કહી કે યુવક તમારી દીકરીના અને કારના ફોટો પાડે છે. ત્યારે યુવતીના પિતાએ યુવકને ઝડપી લીધો અને તેની પૂછપરછ કરી તો તેણે પોતે એક ડિટેકટિવ હોઈ અને તે આ મહિલાની જાસૂસી તેના જ પતિ કરાવતો હોઈ તેવું કબ્લ્યુ હતું.
યુવકનો મોબાઈલ ચેક કરતા છેલ્લા 20 દિવસથી તે આ ફોટો તેના પતિના મોબાઈલ નંબર પર મોકલતો હોવાનું બહાર આવતા યુવતીના પિતાએ ખટોદરા પોલીસ મથકે જઇ યુવક વિરૂદ્ધ ગુનો દાખલ કરાવ્યો હતો. ત્યાં આ યુવક વિરૂદ્ધ મહિલાની જાસૂસી અને તેના પતિ વિરુદ્ધ જાસૂસી કરવાનો ગુનો દાખલ કરી વધુ તપાસ હાથ ધરી છે. જ્યાં જાસૂસી કરાવનાર પતિની ઘરે શોધ કરતા તે ફરાર થઈ ગયો હોવાનું પણ બહાર આવ્યુ છે. હાલ તો આ પતિને પોલીસ ચોપડે વોન્ટેડ બતાવી શોધી રહી છે.