હૃદયસ્પર્શી ઘટના / અમદાવાદઃ દિકરાના બદલે દિકરી જન્મી અને હૃદયમાં છેદ હોવાથી પતિએ એવું કામ કર્યું જે કોઇ બાપ ન કરે

• અમદાવાદમાંથી સામે આવી હૃદયસ્પર્શી ઘટના
• દીકરી અને પત્નીને પતિએ તરછોડ્યા
• દીકરીનો સારવારનો ખર્ચ પતિ ઉઠાવી શકે તેમ ન હોવાથી તરછોડ્યા

સમાજમાં હજુ પણ દિકરા-દિકરીનો ભેદભાવ છે. અનેક પરિવાર દિકરીના જન્મથી માતમ મનાવે છે. સભ્ય સમાજને શર્મસાર કરતો વધુ એક કિસ્સો અમદાવાદમાં સામે આવ્યો છે. દોઢ વર્ષની દિકરી ઝલક જીવન-મરણ વચ્ચે ઝંઝુમી રહી છે. કારણ કે તેના હૃદયમાં છેદ છે. જો તેનુ ઓપરેશન નહિ થાય તો તેનુ મૃત્યુ થઈ શકે છે. આ ઓપરેશન માટે રૂ.5 લાખનો ખર્ચ થતો હોવાથી આ દિકરીના પિતાએ તેની દિકરી નહિ હોવાનુ કહીને માતા-પુત્રીને ઘરમાંથી કાઢી મુકી. આ નિર્દોષ બાળકીને ખબર નથી કે તેના જન્મથી તેનો પિતા અને દાદા-દાદી માતમ મનાવી રહ્યા છે. અને પૈસા બચાવવા તેનો તિરસ્કાર કરી રહ્યા છે. ઝલકની માતા સંગીતાબેનએ તેના પતિ ભાવેશ ઉર્ફે ભવરલાલ શર્મા અને સાસરીયા વિરૂધ્ધ ફરિયાદ નોંધાવી છે.

દિકરાને બદલે દિકરીનો જન્મ થતા સાસરીયાનું વર્તન બદલ્યું

નવ વર્ષ પહેલા સંગીતાબેનના લગ્ન રાજસ્થાનના કોરટા ગામના ભાવેશ શર્મા સાથે થયા હતા. બન્નેનું દામ્પત્યજીવન સુખી હતુ. પરંતુ પ્રથમ દિકરી વિધ્યાનો જન્મ બાદ પતિ અને સાસરીયાનુ વર્તન બદલ્યુ અને મ્હેણા-ટોણા મારતા હતા. પરંતુ લગ્નજીવન બચાવવા મુંગા મોઢે સહન કર્યુ. દોઢ વર્ષ પહેલા દિકરી ઝલકના જન્મથી તેના સાસરીયાનો અત્યાચાર વધ્યો. કારણ કે તેમને દિકરો જોતો હતા. 

દિકકરીના હૃદયમાં છેદ હોવાથી પતિએ પત્ની-દિકરીને કાઢી મુકી

જ્યારે દિકરીના હૃદયમાં છેદ હોવાથી દવાઓનો ખર્ચ વધતો હોવાથી પતિ ભાવેશ દિકરી કોઈ બીજાની હોવાનો આરોપ લગાવીને સંગીતા અને બે દિકરીને ઘરમાંથી કાઢી મુકી. સંગીતા અમદાવાદમા પિતાના ઘરે આવીને સરદારનગર પોલીસ સ્ટેશનના દરવાજા ખખડાવ્યા. પોલીસે પણ બાળકીની હાલત જોઈને ગુનો નોંધી તપાસ શરૂ કરી.

સમાજમાં ક્યારે દિકરા-દિકરી વચ્ચેનો દ્રસ્ટીકોણ બદલાશે?

સમાજમા ભલે દિકરી બચાવો અને દિકરી પઢાવો અને દિકરા-દિકરીની સમાનતાની ચર્ચા થતી હોય છે. પરંતુ હજુ પણ દિકરીને પથ્થર જ સમજવામા આવે છે. ત્યારે હવે સમાજનો દિકરા-દિકરી પ્રત્યેનો દ્રસ્ટીકોણ બદલાશે કે નહિ સવાલ છે.