VIDEO / આમ ન હોય પણ ! આખુ કુટુંબ બાઈક પર સવાર થઈને નિકળ્યું, લોકો જોતા રહી ગયા

• હાઈવે પર જીવ જોખમમાં નાખીને સ્ટંટ કરતા લોકોનો વીડિયો વાયરલ
• એક જ બાઈક પર સાત લોકો સવાર થઈ મોટરસાયકલ પર નિકળ્યા
• સોશિયલ મીડિયા પર વાયરલ થયો વીડિયો

નેશનલ હાઈવે પર બાઈક પર ઉભા રહીને સ્ટંટ કરી રહેલા યુવક બાદ હવે અમરોહાથી જીવ જોખમમાં નાખતો એક વીડિયો વાયરલ થયો છે. સોશિયલ મીડિયા પર વાયરલ થઈ રહેલા આ વીડિયોમાં એક દંપત્તિ પોતાના 5 બાળકો સાથે બાઈક પર જતા દેખાઈ રહ્યા છે. બાઈક પર પતિ-પત્ની અને બાળકો મળીને કુલ સાત લોકો સવાર છે. લાગી રહ્યું છે કે, બાઈક પાછળ જતાં કોઈ શખ્સે આ વીડિયો બનાવ્યો હોય.

આ વીડિયોમાં બાળક બાઈક પર લટકાતું દેખાઈ રહ્યું છે. કહેવાય છે કે, આ વીડિયો અમરોહાના કોતવાલી પોલીસ સ્ટેશન હદ વિસ્તારના બિઝનૌર માર્ગનો છે. વીડિયોમાં સ્પષ્ટ દેખાઈ રહ્યું છે કે, બાઈક પર સવાર દંપત્તિએ લાપરવાહીની હદ વટાવી છે. કારથી પણ વધારે લોકો તેમાં બેસીને રસ્તા પર એકબીજાનો જીવ જોખમમાં નાખીને જઈ રહ્યા છે. આ લાપરવાહીથી કોઈ મોટી દુર્ઘટના થઈ શકે છે. 

જણાવી દઈએ કે, શનિવાર બપોરે નેશનલ હાઈવે પર બાઈક પર ઉભા થઈને સ્ટંટ કરી રહેલા એક યુવકનો વીડિયો વાયરલ થયો હતો. આ વીડિયોમાં ગજરૌલા તરફથી મુરાદાબાદ તરફ જઈ રહેલો એક યુવક સ્ટંટ કરતા દેખાઈ રહ્યો હતો. વીડિયોમાં યુવક ચાલતા બાઈકે ઉભો થઈને સ્ટંટ કરતો દેખાયો હતો. બાદમાં બાઈક પર ઉભા થઈને તે રોડ પર કેટલાય કિમી સુધી બાઈક હંકારતો રહ્યો હતો. આ દરમિયાન હાઈવે પરથી પસાર થતાં લોકોએ તેનો વીડિયો ઉતારી લીધો હતો. પોલીસ હવે આ યુવકની શોધમાં લાગી ગઈ છે.