દગાબાજ / ગર્લફ્રેન્ડ સાથે હોટલમાં રોકાવા માટે પત્નીના આધાર કાર્ડનો ઉપયોગ કર્યો, માસ્ટર પ્લાન કામ ન આવ્યો, ફૂટી ગયો ભાંડો

મહારાષ્ટ્રના પુણેમાંથી એક મામલો સામે આવ્યો છે, જેમાં પત્નીથી બચીને પોતાની ગર્લફ્રેન્ડ સાથે ગયેલા એક શખ્સ પર પત્નીની હોંશિયારી ભારે પડી છે. અહીં એક હોટલમાં તપાસ માટે પ્રેમિકા માટે પોતાની પત્નીનું આધાર કાર્ડ વાપરતા 41 વર્ષિય એક વ્યક્તિ વિરુદ્ધ ફરિયાદ નોંધવામાં આવી છે. સાથે જ તેની ગર્લફ્રેન્ડ પર પણ કેસ દાખલ કરવામાં આવ્યો છે. એક અધિકારીએ જણાવ્યું હતું કે, બંને વિરુધ્ધ મંગળાવેર હિંજેવાડી પોલીસ સ્ટેશનમાં ફરિયાદ નોંધાવામાં આવી હતી.

પોલીસના જણાવ્યા અનુસાર આ શખ્સ ગુજરાતનો રહેવાસી બિઝનેસમેન છે અને તેની પત્ની કંપનીમાં ડાયરેક્ટર છે. હકીકતમાં ફરિયાદ કર્તા પત્નીએ પોતાના પતિની કારમા એક જીપીએસ ડિવાઈસ લગાવ્યું હતું. જે બાદ ખબર પડી કે, પતિ તેને દગો આપી રહ્યો હતો. જેના આધારે તેના પર ફરિયાદ દાખલ કરવામાં આવી છે.

અધિકારીએ જણાવ્યુ હતું કે, મહિલાએ પોતાના પતિની એસયુવીમાં જીપીએસ ટ્રેકર લગાવ્યુ હતું. ગત વર્ષે નવેમ્બરમાં તેનો પતિ પોતાની બેંગલુરૂની બિઝનેસ ટ્રિપ વિશે જણાવતો હતો, પણ જ્યારે ટ્રેક કરવામાં આવ્યું તો, તેનો પતિ પુણેમાં હતો.

જ્યારે ફરિયાદ કર્તાએ હોટલનો સંપર્ક કર્યો તો, કર્મચારીઓએ તેને જણાવ્યુ કે, તે વ્યક્તિએ પોતાની પત્ની સાથે ચેક ઈન કર્યું છે. અધિકારીએ કહ્યું કે, સીસીટીવી ફૂટેઝની તપાસ બાદ મહિલાને ખબર પડી કે, તેનો પતિએ આધાર કાર્ડનો ઉપયોગ કરીને અન્ય મહિલા સાથે હોટલમાં રોકાયો છે. હવે આરોપી પતિ અને તેની ગર્લફ્રેન્ડ વિરુદ્ધ આઈપીસીની કલમ 419 અંતર્ગત ફરિયાદ દાખલ કરવામાં આવી છે.