ભારે કરી / મારી પત્ની બહું સુંદર છે એટલે મને છોડીને જતી રહી, પિયરમાંથી ઘરવાળીને પાછી લાવવા પોલીસની મદદ માગી

• એક શખ્સ વિચિત્ર ફરિયાદ લઈને પોલીસ સ્ટેશન આવ્યો
• પત્ની સુંદર છે, તેથી મારી સાથે નથી રહેતી
• પિયરથી પાછી લાવવા મદદ કરવા અપીલ કરી

મધ્ય પ્રદેશના છત્તરપુર પોલીસ કાર્યાલયમાં એક શખ્સ વિચિત્ર ફરિયાદ લઈને પહોંચ્યો હતો. તેનું કહેવું હતું કે, મારી પત્ની બહું વધારે પડતી સુંદર છે, એટલા માટે તે મારી સાથે નથી રહેતી. યુવકે કહ્યું કે, સાસરિયે ગયો તો, પત્નીએ આવવાની ના પાડી દીધી, અને સાસરિયાના લોકોએ મારપીટ કરી ત્યાંથી ભગાડી મુક્યો. એટલા માટે હવે અહીં આવ્યો છું, કદાચ એસપી સાહેબ મારી મદદ કરી શકે.

પત્ની સુંદર છે, હોંશિયાર પણ છે, તેથી મારી સાથે રહેવા નથી માગતી

 હકીકતમાં જોઈએ તો, યુપીના બાંદા જિલ્લાના મટોંધ ગામના રહેવાસી નંદૂ પાલના લગ્ન ગત વર્ષે છતરપુર જિલ્લાના લવકુશનગર પોલીસ સ્ટેશન હદ વિસ્તારમાં આવતા નગરૌલીની રીના પાલ સાથે થયા હતા. નંદૂ પાલનું કહેવુ છે કે, મારી પત્ની સુંદર છે, સ્માર્ટ છે, તે ભણેલી-ગણેલી છે. આ કારણે તે મારી સાથે રહેવા નથી માગતી.

પોલીસ પાસે મદદ માગી, ઘરવાળી પાછી લાવી આપો

નંદૂ પાલનું કહેવુ છે કે, હું મારી પાત્નીને લેવા પિયરમાં ગયો હતો, તો તેણે મારી સાથે આવવાની ના પાડી દીધી. સાથે જ પરિવારના લોકો પાસેથી માર ખવડાવ્યો. મારે મારી ઘરવાળી પાછી જોઈએ. જેમણે પણ મને માર્યો છે, તેમને સજા મળવી જોઈએ. લગ્નના ત્રણ દિવસ બાદ તે પિયરમાં જતી રહી હતી. હવે હું પોલીસ સ્ટેશનના ચક્કર લગાવી રહ્યો છું.