અમદાવાદ / જુહાપુરાની પ‌રિણીતાને પતિએ ડેનમાર્કથી તલાક, તલાક, તલાક લખેલો પત્ર કુરિયર કર્યો

• જુહાપુરાની પ‌િરણીતાને કડવો અનુભવ
• ડેનમાર્ક રહેતા પતિએ કુરિયર દ્વારા આપ્યા તલાક 
• નોંધાઇ પોલીસ ફરિયાદ

જુહાપુરામાં રહેતી એક મુ‌સ્લિમ યુવતીએ ફરિયાદમાં કરેલા આક્ષેપ મુજબ તેનો પતિ એન્જિનિયર છે અને ડેનમાર્કમાં ખૂબ સારી કંપનીમાં કામ કરે છે. યુવતી સાથે તેનાં લગ્ન સમાજના રીતિરીવાજ મુજબ 2016 માં થયાં હતાં. 

લગ્ન બાદથી જ સાસ‌રિયાંએ આપ્યો ત્રાસ 

લગ્ન બાદથી જ સાસ‌રિયાં અને પતિ તરફથી અવારનવાર યુવતીને ત્રાસ આપવાનું શરૂ કરી દેવાયું હતું. યુવતીને સાસુ કહેતાં હતાં કે મારો દીકરો ખૂબ ઊંચી પોસ્ટ પર છે અને તારે તો સહન કરવું જ પડશે. યુવતીને પતિ ડેનમાર્ક લઈ ગયેલ ત્યારે પણ તેના પર ખૂબ ત્રાસ ગુજાર્યો હોવાની ફરિયાદ કરી હતી. 

પ‌િરણીતાએ દીકરીને જન્મ આપ્યો

તે દરમિયાન લગ્નજીવનમાં પ‌િરણીતાએ દીકરીને જન્મ આપ્યો હતો ત્યારે તેના પતિએ હૉસ્પિટલ આવીને સાસુ-સસરાની હાજરીમાં કહ્યું હતું કે 'તું દીકરી જણવાની છે એવી ખબર હોત તો ત્યારે જ એબોર્શન કરાવી નાખ્યું હોત.