અમદાવાદ: શહેરના ઘાટલોડીયા વિસ્તારમાં એક પતિએ પત્નીના ચારિત્ર પર શંકાને આધારે તેના પુત્ર અને પત્નીનું DNA ટેસ્ટ કરાવ્યું છે. પતિની અરજી અનુસાર પત્નીના સોશિયલ મીડિયા પર ઘણા મિત્રો હોવાની શંકા લાંબા ફોન ડ્યુરેશન અને અશ્લીલ ફોટા તથા બિભસ્ત મેસેજને ધ્યાનમાં રાખી પતિએ પત્ની અને તેના પુત્રનો DNA ટેસ્ટ કરાવ્યો હતો. જેમાં પુત્રનું DNA ટેસ્ટ મેચ ન થતા પતિએ ઘાટલોડીયા પોલીસ સ્ટેશનમાં બાળક કોનું છે તે જાણવા મદદ માગી છે. પતિની ફરિયાદને આધારે પોલીસે પણ આ દિશામાં ઉલટ તપાસ શરૂ કરી છે.
શું છે સમગ્ર મામલો?
ઘાટલોડીયામાં રહેતા એક યુવક તેની પત્ની પુત્ર અને પુત્રી સાથે રહે છે. જેમણે ફરિયાદ કરી છે કે પોતાની પત્ની મોજશોખ જેવી ટેવ ધરાવે છે. પતિએ જણાવ્યું કે મારી પત્ની હોટલોમાં જમવાનો શોખ ધરાવે છે. જ્યારે મેં મારી પત્નીને કહ્યું કે આપણે મધ્યમ વર્ગના હોવાથી આ ખર્ચા પોસાય નહીં. જેને લઇને પતિ પત્ની વચ્ચે ઝઘડાઓ થતા હતા.
પત્ની લાંબો સમય સુધી ફોન પર વાતો કરતી
કેટલીક વાર તેની પત્ની લાંબો સમય સુધી ફોન પર વાતો કરતી હોય તેવી જાણ થઇ હતી. જેને લઇને તેને પુછવામાં આવતા ઉશ્કેરાઇને ધમકી આપી હતી. તેણે કહ્યું કે હું મારી જીંદગી મારા હિસાબથી જીવવાની છું. તેમાં તમે કોઇ હસ્તક્ષેપ ના કરશો. જો કરશો તો હું ફરિયાદ કરી જેલના સળિયા ગણતા કરી દઇશ.
પત્નીનો મોબાઇલ ફોન ચેક કર્યો બાદમાં...
આવી અનેક ઘટનાઓ બનતા તેણે તેની પત્નીનો મોબાઇલ ફોન ચેક કર્યો બાદમાં તેની અંદર છ-સાત લોકોના સંપર્કમાં હોવાનું જાણવા મળ્યું હતું. પત્નીના મોબાઇલમાં અનેક પુરૂષ સાથે વોટ્સએપ-ફેસબુક ચેટ હતા.
વધુમાં તેમણે જણાવ્યું કે તેની પત્ની બિભત્સ વાતો કરી અને પર પુરૂષોને ઘરે પણ બોલાવતી હતી. જ્યારે વોટ્સએપ-ફેસબુક પર ફ્રેન્ડ્સને અશ્લિલ ફોટાઓ મોકલતી હોવાનું જણાવ્યું હતું. જેને લઇને પતિએ તેના 10 વર્ષના પુત્રનો DNA ટેસ્ટ કરાવ્યો હતો. જેમાં DNA મેચ ન થયો ત્યારબાદ પત્નીના ચારિત્ર્ય પર શંકા પ્રબળ બની હતી. તેથી ઘાટલોડીયા પોલીસ સ્ટેશનમાં બાળક કોનું છે તે જાણવા મદદ માગી છે. પતિની ફરિયાદને આધારે પોલીસે પણ આ દિશામાં ઉલટ તપાસ શરૂ કરી છે.