ત્નીનો નહાતો વીડિયો પોસ્ટ કરવાના આરોપમાં એક વ્યક્તિ વિરુદ્ધ કેસ નોંધવામાં આવ્યો છે. પોલીસ તપાસ કરી રહી છે અને કાર્યવાહીની વાત કરી રહી છે.
ઉત્તર પ્રદેશમાં એક પત્નીનો પતિ પર આરોપ
પત્નીનો અશ્લીલ વિડીયો ફેસબુક પર પોસ્ટ કર્યો
પોલીસે હાલ આરોપી સામે કાર્યવાહી ચાલુ કરી
ઉત્તર પ્રદેશના ફિરોઝાબાદ જિલ્લામાં પત્નીનો નહાતો વીડિયો પોસ્ટ કરવાના આરોપમાં એક વ્યક્તિ વિરુદ્ધ કેસ નોંધવામાં આવ્યો છે. પોલીસ તપાસ કરી રહી છે અને કાર્યવાહીની વાત કરી રહી છે. ફેસબુક પર પોતાના ફોલોઅર્સની સંખ્યા વધારવા માટે તેણે આ બધું કર્યું હોવાની માહિતી મળી છે. જોકે, પોલીસના કહેવાથી આરોપી પતિએ પોતાના એકાઉન્ટમાંથી વીડિયો ડિલીટ કરી દીધો હતો.
ફોલોવર્સ વધુ કરવા પત્નીનો અશ્લીલ વીડીયો પોસ્ટ કર્યો
જસરાણા પોલીસ સ્ટેશન વિસ્તારની એક મહિલાએ તેના પતિ પર ન્હાવાના વાંધાજનક ફોટા સોશિયલ મીડિયા પર પોસ્ટ કરવાનો આરોપ લગાવ્યો હતો. મહિલાની ફરિયાદ પરથી પોલીસે આઈટી એક્ટ હેઠળ ગુનો નોંધ્યો છે. કોટવાલ જસરાણા આઝાદ પાલ સિંહે કહ્યું, "પત્નીએ તેના પતિ પર ફેસબુક પર નહાવાના વીડિયો પોસ્ટ કરવાનો આરોપ લગાવ્યો છે. તહરીરના આધારે ગુનો નોંધી સમગ્ર મામલાની તપાસ હાથ ધરી છે. તપાસ માટે ફોન મોકલવામાં આવી રહ્યો છે. તપાસમાં યોગ્ય જણાશે તો ચાર્જશીટ દાખલ કરવામાં આવશે. આ કેસમાં ધરપકડની કોઈ જોગવાઈ નથી.
નહાતા સમય પતિને વીડીયો કોલ કર્યો
પીડિતાએ જણાવ્યું કે તે પોતાના ઘરે નહાતી વખતે વીડિયો કોલ પર પતિ સાથે વાત કરી રહી હતી. વાત કર્યા બાદ મહિલાએ ફોન નીચે મૂકી દીધો હતો. આ દરમિયાન પતિએ તેનો વાંધાજનક વીડિયો બનાવ્યો હતો. ફેસબુક પર વીડિયો અને ફોટો પોસ્ટ કરવામાં આવ્યા હતા. જ્યારે મહિલાએ તેના પતિને તેમને હટાવવાનું કહ્યું તો તેણે ના પાડી દીધી.
આરોપી પતિ સામે કડક કાર્યવાહી કરવાની પત્નીની માંગ
જે બાદ પીડિત મહિલા મંગળવારે કોતવાલી પહોંચી હતી. સમગ્ર મામલે પોલીસને જાણ કરવામાં આવી હતી. પોલીસે આરોપી પતિ સામે ગુનો નોંધ્યો છે. મહિલાએ જણાવ્યું કે તેનો પતિ સર્કસમાં કામ કરે છે. તે દિલ્હીમાં રહે છે, જ્યારે મહિલા સાસરીના ગામમાં રહે છે. પતિ અવારનવાર તેની સાથે વીડિયો કોલ પર વાત કરતો હતો. પીડિતાએ કહ્યું કે, પોતાના સપનામાં પણ તેણે વિચાર્યું નહોતું કે પતિ આવું કૃત્ય કરશે. તેમણે આરોપીઓ સામે કડક કાર્યવાહી કરવાની માંગ કરી છે.