સુરેન્દ્રનગરમાં સવારથી જ ઘણી બધી જગ્યાઓ પર ઉત્સાહપૂર્વક મતદાન કરવામાં આવી રહ્યું છે ત્યારે વલ્લભીપૂર પાસે એક હાઇસ્કૂલમાં મારમારીની ઘટના સામે આવી છે.
ભાજપના મહિલા ઉમેદવારના પતિએ કરી મારામારી
વલ્લભીપુર હાઈવે પાસેની હાઈસ્કૂલમાં આમ આદમી પાર્ટીની મહિલા ઉમેદવારના પતિને મારવામાં આવ્યો છે. મારામારીના દ્રશ્યો સામે આવતા મતદાન મથક પાસે લોકોના ટોળેટોળાં ભેગા થઈ ગયા હતા. ભાજપના મહિલા ઉમેદવારમાં પતિએ મારમારી કરી હોવાનો આક્ષેપ છે. જોકે પોલીસે ત્યાં મામલો થાળે પાડ્યો હતો.
પાટણના વોર્ડ નંબર 2ના BM હાઈસ્કૂલ બુથ ઉપર હોબાળો
પાટણમાં પણ મતદાન દરમિયાન હોબાળાની ઘટના સામે આવી છે. પાટણના વોર્ડ નં-2ના BM હાઈસ્કૂલ બૂથ પર ઉમેદવારના એજન્ટ અને માસ્ક બાબતે હોબાળો થયો હતો. એક ઉમેદવારનો એજન્ટ મતદાન કેન્દ્રમાં ફરતા વિરોધ કરવામાં આવ્યો હતો. નોંધનીય છે કે પાટણના પૂર્વ ન.પા પ્રમુખનો વિસ્તાર છે વોર્ડ નં-2, જોકે પોલીસે મધ્યસ્થતા કરી મામલો થાળે પાડ્યો હતો.
અધિકારીઓ દોડતા થયા
રાજપીપળા નગરપાલિકા માટે મતદાન દરમિયાન વોર્ડ નંબર 7ના મતદાન મથક નંબર 4માં EVM ખોટકાયુ ગયું હતું જેને લઈને ઉમેદવારોએ વિરોધ નોંધાવ્યો હતો.
મહેસાણાના વોર્ડ નંબર 5માં બબાલ
મહેસાણાના વોર્ડ નંબર 5માં કોંગ્રેસના ઉમેદવારને મતદાન મથકે પ્રવેશ ન મળતા બબાલ થઈ હતી. ઉમેદવાર ડૉ.મેઘા પટેલને પ્રવેશ આપવામાં આવ્યો ન હતો જે બાદ સૌરભ સ્કૂલમાં બબાલ થઈ હતી.