AAPની પ્રેસ કોન્ફરન્સના હોલ બહાર AAP મહિલા કોર્પોરેટરના પતિ ચિરાગ દુધાત્રાએ આપઘાતનો પ્રયાસ કર્યો હતો
AAP કોર્પોરેટરના પતિનો આત્મવિલોપનનો પ્રયાસ
પ્રેસ કોન્ફરન્સ હોલ બહાર કર્યો પ્રયાસ
આત્મવિલોપન કરે તે પહેલા જ અટકાયત
સુરતમાં AAP કોર્પોરેટરના પતિએ કર્યો આત્મવિલોપનનો પ્રયાસ કર્યો હતો. ચિરાગ દુધાત્રાએ આત્મવિલોપનનો પ્રયાસ કર્યો હતો. AAP કોર્પોરેટર રૂચા દુધાત્રાના પતિ ચિરાગ દુધાત્રાનો વીડિયો પણ સામે આવ્યો છે. સુરતમાં આજે મનિષ સિસોદિયાની હાજરીમાં મહેશ સવાણીએ પાર્ટીનો ખેસ ધારણ કર્યો હતો. તો બીજી તરફ AAPની પ્રેસ કોન્ફરન્સના હોલ બહાર AAP મહિલા કોર્પોરેટરના પતિએ કર્યો હતો આપઘાતનો પ્રયાસ. જો કે, પોલીસે ચિરાગ દુધાત્રાની અટકાયત કરી હતી. આત્મવિલોપન કરે તે પહેલા જ તેની અટકાયત કરી લેવાઈ હતી.
મહત્વનું છે કે, આ એ જ AAPના કૉર્પોરેટર ઋતા દૂધાગરાના પતિ છે. જેમના પર આરોપ હતો કે ભાજપના ધારાસભ્ય તેમને કરોડો રૂપિયાની ઓફર કરી રહ્યાં છે આટલું જ નહીં. તે ઓફરનો સ્વીકાર ન કરતાં કોર્પોરેટરના પતિ દ્વારા દબાણ કરવામાં આવ્યું જે બાદ તેમણે પતિ સાથે છૂટા થવાનો નિર્ણય લેવો પડ્યો.
3 કરોડ રૂપિયાની કરાઈ ઓફરનો હતો આક્ષેપ
સુરતમાં આમ આદમી પાર્ટીએ ભાજપ પર ગંભીર આરોપ લગાવ્યા હતા. આમ આદમી પાર્ટીના કોર્પોરેટર ઋતા દૂધાગરાએ પ્રેસ કોન્ફરન્સ યોજીને દાવો કર્યો હતો કે, કામરેજના ધારાસભ્ય તેમને ભાજપમાં જોડાવવા માટે ઓફર કરી રહ્યા હતી. ઋતા દૂધાગરાએ જણાવ્યું હતું કે, ઝાલાવડિયા ઈશારે આવેલા અલગ અલગ લોકોએ તેમને 3 કરોડ રૂપિયાની લાલચ પણ આપી હતી, જો કે તેમણે આ ઓફરને ઠુકરાવી દિધી.
ડિવોર્સ બાદ પણ મહિલા કોર્પોરેટરની કરાઈ રહ્યા હતી બદનામ
કૉર્પોરેટર દૂધાગરાનો આરોપ હતો કે ડિવોર્સ બાદ પણ ભાજપ દ્વારા બદનામ કરવામાં આવી રહી હતી અને તેમના પતિએ ભાજપ પાસેથી 25 લાખ રૂપિયા લીધા હોવાની વાત પણ તેમણે કબૂલી. નોંધનીય છે કે ઋતા દૂધાગરા સૌથી વધુ લીડથી જીતનારા કૉર્પોરેટર છે.
AAP કોર્પોરેટર ઋતા દૂધાગરાને નથી ઓળખતોઃ ઝાલાવાડિયા
આટલું જ નહીં ઋતા દૂધાતરાએ કહ્યું કે તેમના પતિ ચિરાગ દૂધાગરા પણ આ ષડયંત્રમાં શામેલ હતા, જેમાં તેમણે ભાજપ પાસેથી 25 લાખ રૂપિયા લીધા છે. જો કે આ મામલે જ્યારે VTVની ટીમે ભાજપના ધારાસભ્ય વી ડી ઝાલાવાડિયાનો સંપર્ક કર્યો હતો તો તેમણે આમ આદમી પાર્ટી તરફથી લગાવવામાં આવેલા આરોપોને નકારી દિધા અને કહ્યું હતું કે તેઓ ઋતા દૂધાગરાને ઓળખતા નથી. તેમણે કહ્યું કે આ મારા વિષય બહારની વાત છે અને મેં કોઈ જ ઓફર કરી નથી.