સુરત / આવેશમાં આવી પતિએ પત્નીને માથામાં કૂકર મારી દીધું, બ્રેઈન હેમરેજના કારણે પત્નીનું મુત્યું, જાણો સમગ્ર મામલો 

• સુરતમાં પતિએ પત્નીની કરી હત્યા
• પત્નીના ચરિત્ર્ય પર શંકા જતા હત્યા કરી
• પતિએ પત્નીને માથામાં માર્યું કૂકર

સુરત હ્રદયને હચમચારી નાખે તેવી ઘટના સામે આવી છે.  લગ્ન જીવનમાં ઝગડા થવા એ સામાન્ય વાત માનવમાં આવે છે. પરતું ઝગડાનું સ્વરૂપ ક્યારે એટલું રૌદ્ર બની જતું હોય છે કે ગુસ્સા અને આવેશમાં આવીને પતિ-પત્ની એવું કરી બેસે છે કે પછી આખી જીંદગી પસ્તાવોનો વારો આવે છે. સુરતમાં આવી જ એક ઘટના સામે આવી છે જેમાં પત્નીના ચારિત્ર પર શંકા રાખતા પતિએ પત્નીની નિર્મમ હત્યા નિપજાવી દીધી છે. 

પત્નીના ચરિત્ર્ય પર શંકા જતા હત્યા કરી

સુરતના અમરોલીમાં પતિએ પત્નીના ચારિત્ર્ય પર શંકા રાખીને માથામાં કુકર માર્યું હતું.પત્ની પર કુકરથી હુમલો કર્યા બાદ પતિ સારવાર માટે હોસ્પિટલમાં પણ લઈ ગયો હતો. આરોપી પતિએ હોસ્પિટલમાં શરૂઆતમાં પત્ની પડી જતા ઈજા થઈ હોવાની વાત કરી હતી. જો કે હોસ્પિટલના સ્ટાફને ઈજાના નિશાન પરથી શંકા જતા પોલીસને જાણ કરી હતી. આ ઘટનામાં પત્નીનું બ્રેઈન હેમરેજના કારણે મુત્યું નિપજ્યું હતું.

પતિએ પત્નીને માથામાં માર્યું કૂકર

મહત્વનું છે કે છેલ્લા કેટલાક સમયથી પતિ પત્ની વચ્ચે ઝગડો ચાલી રહ્યો હતો. જેમાં પત્નીના અન્ય યુવક સાથે સંબંધ હોવાની શંકા જતા ઉશ્કેરાયેલા પતિએ પત્નના માથામાં કુકર મારી દીધું હતું બાદમાં ઈજાગ્રસ્ત પત્નીને સારવાર માટે હોસ્પિટલ પણ લઈ ગયો હતો પરતું બ્રેઈન હેમરેજના કારણે પત્નીનું મોત નિપજ્યું હતું. સમગ્ર મામલે પોલીસને જાણ થતા પોલીસ હોસ્પિટલ આવી પહોંચી હતી જ્યાં આરોપી પતિની અટકાયત કરવામાં આવી હતી જો કે મૃતકના ભાઈને જાણ થતા ભાઈએ બહેનના પતિ સામે પોલીસ મથકમાં ફરિયાદ નોંધાવી છે. જેને લઈને પોલીસે હત્યાનો ગુનો નોંધી આગળની કાર્યવાહી હાથ ધરી છે.