ખેડા / ચૌહાણપુરામાં રિસામણે ગયેલી પત્નીને લેવા આવેલા પતિ સાથે એવો ઝઘડો થયો કે પરિવાર ખંડીત થયો

• ખેડાના કઠલાલના ચૌહાણપુરામાં પતિએ કરી પત્નીની હત્યા
• છરીના ઘા ઝીંકીને પત્નીની હત્યા કરી
• ઘર કંકાસના કારણે પિતા સાથે રહેતી હતી પરિણીતા

ખેડાના કઠલાલના ચૌહાણપુરા ગામે પતિ-પત્ની વચ્ચે ઘરકંકાસનો કરુણ અંજામ આવ્યો છે. જેમાં રોજ રોજના ઘરકંકાસમાં પતિ ઉપર ખૂન્નસ સવાર થઈ જતા કોધિત થયેલા પતિએ પોતાની પત્નીને છરીના ઘા ઝીંકીને ઢીમ ઢાળી દીધું છે.સંજય પરમાર નામનો પતિ સાસરીયામાં પત્નીને લેવા ગયો હતો જ્યાં મોટી રકઝક થતાં પિતાની સામે જ મહિલાની પર છરી લઈ ચડી બેઠો હતો. એક બાદ એક તીક્ષ્ણ છરીના ઘા મારી પત્નીનું ત્યાં જ કાસળ કાઢી નાખ્યું હતું.

ઘરકંકાસથી કંટાળી પત્ની પિયર રહેવા જતી રહી હતી
ખેડા જિલ્લાના કઠલાલ પંથકમાં રીસામણે ગયેલી પત્નીને તેનો પતિ ચૌહાણપુરા ગામે એટલે કે તેના સાસરિયામાં મનાવવા ગયો હતો. પરિણીતા ઘર કંકાસના કારણે પતિને છોડી  પિતા સાથે રહેતી હતી. તે વખતે પત્ની સાથે ઉગ્ર બોલાચાલીના તણખા ઝર્યા હતા. જે બાદ આવેશમાં આવી ગયેલા પતિએ છરી ઘા સાસરિયાની સામે જ પત્નીને મોતને ઘાટ ઉતારી દીધી હતી. સમગ્ર ઘટના અંગે કઠલાલ પોલીસે આરોપી સંજય પરમારને પકડવા ચક્રો ગતિમાન કર્યા છે. 

કઠલાલ પોલીસે આરોપી સંજય પરમારને પકડવા ચક્રો ગતિમાન કર્યા
મહત્વનું છે કે નડિયાદ તાલુકાના ફતેપુરા ગામે રહેતા સંજય કનુભાઈ પરમારના લગ્ન વર્ષ 2015 લગ્ન થયા હતા.ચૌહાણપુરામાં રહેતી 21 વર્ષિય યુવતી લગ્ન જીવનના પ્રથમ પડાવમાં સારી રીતે પતિ સાથે રહેતી હતી.  પણ ધીરે ધીરે પતિ અને પત્ની વચ્ચે ઝઘડા થવા મંડ્યા હતા. વારંવાર ઘરકંકાસ થતાં પત્ની ઘર છોડી પિયર આવી ગઈ હતી. જે પાછી લેવા આરોપી સંજય પરમાર સાસરિયે ગયો હતો. જ્યાં અચાનક બંને પક્ષે ઉગ્ર બોલાચાલી થતાં પત્નીની હત્યા કરી નાખી હતી. સમગ્ર બનવની પોલીસને જાણ કરી ફરિયાદ નોંધવતા  કરતાં મોટી સંખ્યામાં પોલીસ કાફલો આરોપીને પકડવાની કવાયતમાં લાગ્યો છે