બિહારના સીતામઢી જિલ્લામાંથી ચોંકાવનારી ઘટના સામે આવી છે. જ્યાં એક શખ્સે પોતાની પત્નીનું ગળું દબાવીને પતાવી દીધી હતી. બાદમાં શબને છત પર હુકથી લટકાવી દીધું હતું.
પતિની હૈવાનિયત બિહારમાંથી સામે આવી
આમલેટ બનાવવા કહ્યું, ના પાડી તો હત્યા કરી નાખી
હત્યા કર્યા બાદ લાશને લટકાવી દીધી
બિહારના સીતામઢી જિલ્લામાંથી ચોંકાવનારી ઘટના સામે આવી છે. જ્યાં એક શખ્સે પોતાની પત્નીનું ગળું દબાવીને પતાવી દીધી હતી. બાદમાં શબને છત પર હુકથી લટકાવી દીધું હતું. પ્રાપ્ત વિગતો અનુસાર જોઈએ તો, આરોપીએ પોતાની પત્નીને આમલેટ બનાવા કહ્યું પણ તેણે આમલેટ બનાવાની ના પાડી દીધી. જેને કારણે ગુસ્સે થયેલા પતિએ આ ઘટનાને અંજામ આપી દીધો હતો.
ઘટનાને અંજામ આપ્યા બાદ પતિ ફરાર
પોલીસ અધિકારીના જણાવ્યા અનુસાર આરોપીની ઓળખાણ સેવાનિવૃત સબ ઈંસ્પેક્ટર રામ વિનય સિંહના દિકરા અજીત સિંહ તરીકે થઈ છે. રામ વિનયના નિવેદનના આધારે સીતામઢી પોલીસે તેમના દિકરા વિરુદ્ધ ફરિયાદ નોંધી લીધી છે. આ ઘટના ગુરૂવારે મોડી રાતે સહિયારા પોલીસ સ્ટેશન હદ વિસ્તારના બેલહી રામ ગામની છે. જો કે, આરોપી હાલમાં ફરાર છે.
દારૂ પીતો હતો પતિ, પત્નીએ વિરોધ કર્યો તો વાત વધી ગઈ
આરોપીના પિતા રામવિનય સિંહે કહ્યું કે, મારો દિકરો દારૂડીયો છે. તે ગૂરૂવારે સાંજે દારૂના નશામાં ઘરે આવ્યો હતો. તેણે બજારમાંથી ઈંડા પણ ખરીદ્યા હતા. જ્યારે તેણે ઘરે આવીને તેની પત્ની નીતૂ સિંહને આમલેટ બનાવી આપવા કહ્યું તો, તેણે ના પાડી દીધી. તેણે કહ્યું કે, ગુરૂવારે રસોઈમાં આ ન બનાવી શકાય. તેને લઈને એકબીજામાં બોલાચાલી થઈ, જો કે, નીતૂ સિંહ તેની દારૂની લતને કારણે પણ નારાજ હતી.
આરોપીના પિતાએ જણાવ્યું શું થયું હતું
આરોપીના પિતાએ આગળ જણાવ્યું હતું કે, અજીતની દારૂ પીવાની લતનો તેની પત્ની પહેલાથી વિરોધ કરતી આવે છે. ગુરૂવારે પણ તેણે એવુ જ કર્યું. તેનાથી અજીતને ગુસ્સો આવી ગયો. તેણે પહેલા બેડરૂમમાં અંદર તેની સાથે મારપીટ કરી, અને ગળુ દબાવી ફાંસીએ લટકાવી દીધી. થોડી વારમાં વહુની બૂમો બંધ થઈ તો મને લાગ્યું કે, તેઓ અંદર શાંત થઈ ગયા છે. થોડીવારમાં અજીક રૂમમાંથી બહાર આવ્યો અને ત્યાંથી ભાગી ગયો.
પોલીસ આરોપીને શોધવા લાગી
રામ વિનય સિંહે જણાવ્યું હતું કે, ઘટના બાદ જ્યારે તે રૂમમાં પહોંચ્યા, ત્યાંની સ્થિતી જોઈને ચોંકી ગયા. નીતૂ સિંહનું શબ હુકમાં લટકાયેલું હતું. આ મામલામાં તપાસ અધિકારીએ જણાવ્યું હતું કે, અમે પીડિતના સસરાના નિવેદન અનુસાર ફરિયાદ નોંધી છે. હાલમાં આરોપી ફરાર છે. તેની શોધ ચાલું છે.