સનસનીખેજ / ખિચડીમાં મીઠુ વધારે પડી જતાં પતિ ભડક્યો, પત્નીનું ગળુ દબાવી પતાવી દીધી

• મહારાષ્ટ્રમાં આવ્યો અનોખો કિસ્સો
• ખિચડીમાં મીઠુ વધારે પડી જતાં પતિ ભડક્યો
• પત્નીનું ગળુ દબાવી હત્યા કરી નાખી

મહારાષ્ટ્રના ઢાણે જિલ્લાના ભયંદર વિસ્તારમાંથી એક સનસનીખેજ મામલો સામે આવ્યો છે. પ્રાપ્ત વિગતો અનુસાર જોઈએ તો ખાવામાં મીઠુ વધારે હોવાના કારણે નારાજ પતિએ પત્નીની હત્યા કરી નાખી હતી. પોલીસ તરફથી કહેવાયુ છે કે, શુક્રવારે સવારે ભયંદર પૂર્વ ફાટક રોડ વિસ્તારમાં એક વ્યક્તિને નાશ્તામાં બનાવેલી ખિચડીમાં વધારે મીઠુ હોવાના કારણે પોતાની પત્નીની હત્યા કરી નાખી હતી. મીરા ભાયંદર વસઈ વિરાર પોલીસ તરફથી કહેવાયુ છે કે, 46 વર્ષિય નીલેશ ધાધ નામના શખ્સે સવારે 9.30 વાગ્યે પોતાની પત્નીનું ગળુ દબાવીને હત્યા કરી નાખી હતી.

પોલીસ ઘટનાસ્થળે પહોંચી મૃતદેહ કબ્જામાં લીધો

ઘટનાની જાણકારી મળ્યા બાદ પોલીસ ઘટનાસ્થળે પહોંચીને મહિલાને શબને પોતાના કબ્જામાં લઈ પોસ્ટમોર્ટમ સાથે સ્થાનિક સરકારી હોસ્પિટલમાં મોકલી આપ્યો હતો. સાથે જ ભયંદરના નવધર પોલીસ સ્ટેશનમાં આ શખ્સ વિરુદ્ધ આઈપીસીની કલમ 302 અંતર્ગત ગુનો દાખલ કરવામાં આવ્યો હતો.

અગાઉ પણ આવ્યો છે આવો કિસ્સો

અહીં ઉલ્લેખનીય છે કે, આવી રીતે એક ઘટના ગુરૂવારે થઈ હતી, જ્યાં સમય પર ચાની સાથે નાશ્તો નહીં આપતા નારાજ સસરાએ વહુને ગોળી મારી દીધી હતી. પોલીસનું કહેવુ છે કે ,રાબોડી વિસ્તારના રહેવાસી 42 વર્ષિય મહિલાના પેટમાં ગોળી મારી અને શુક્રવારે સવારે એક ખાનગી હોસ્પિટલમાં સારવાર દરમિયાન તેનું મોત થઈ ગયું હતું.