દિલ્હીના ગ્રેટર નોએડામાં એક ચોંકાવનારી ઘટના બની છે
દિલ્હીમાં બની ચોંકાવનારી ઘટના
પતીએ જ કરી પત્ની અને બે બાળકોની હત્યા
જાણો શું છે સમગ્રા મામલો
દિલ્હીના સટે ગ્રેટર નોએડામાં એક ચોંકાવનારી ઘટના સામે આવી છે. મહિલા પોલિસકર્મીના પ્રેમમાં એક વ્યક્તિએ પોતાની પત્ની અને બે બાળકોની હત્યા કરી તેમને ઘરના બેસમેન્ટમાં જ દફન કરી દીધા. કાસગંજની ઢોલના પોલીસે ઘટનાનો ખુલાસો કર્યો છે. આરોપીને લઈને પોલીસ બિસરખ સ્થિત ચિપિયાનામાં બેસમેન્ટનું ખોદકામ કરાવી રહી છે.
સમગ્ર મામલો ગ્રેટર નોએડા વિસ્તારના બિસરખ ક્ષેત્રનાા ચિપિયાના ગામનો છે. જ્યાં કાસગંજની ઢોલના પોલીસ આરોપીને લઈને પહોંચી હતી જેણે પોતાની પત્ની અને 2 બાળકોને મોતના ઘાટ ઉતાર્યા હતા. ત્યાર બાદ તેમની લાશને ઘરના બેસમેન્ટમાં દફન કરી દીધી હતી. કાસગંજની ઢોલના પોલીસે ત્રણ વર્ષ બાદ આરોપીની ધરપકડ કરી.
આટલું જ નહીં આરોપી યુવકે ઘટનામાં શામેલ રિટાયર્ડ પોલિસકર્મી પિતાની મદદથી પોતાને મૃત જાહેર પણ કરાવી દીધો હતો. યુવકે આ ઘટનાને આગ્રામાં તૈનાત એક પોલિસકર્મીના પ્રેમમાં અંજામ આપ્યો હતો. હાલ પોલીસ આરોપીએ જણાવેલી જગ્યાઓ પર ઘરમાં ખોદકામ કરી રહી છે.
2018થી ગુમ હતી પત્ની અને બે બાળકો
એડિશનલ ડીસીપી સેન્ટ્રલ અંકુર અગ્રવાલે જણાવ્યું કે ફેબ્રુઆરી 2018માં બિસરખ વિસ્તારમાં એક પિતાએ પોતાની દિકરી અને તેના બે બાળકોના ગુમ થવાની ફરીયાદ દાખલ કરાવી હતી. જ્યાર બાદમાં તેને કિડનેપિંગમાં ફેરવી દેવામાં આવ્યો હતો.
એડિશનલ ડીસીપી અંકુર અગ્રવાલે જણાવ્યું કે, 'પીડિત પિતાએ આરોપ લગાવ્યો હતો કે જમાઈ રાકેશે તેમની દિકરી અને તેના બે બાળકોને કિડનેપ કર્યા હતા. થોડા દિવસો બાદ કાસગંજના ઢોલના સ્ટેશનમાં આરોપી રાકેશની હત્યાનો મામલો દાખલ કરવામાં આવ્યો. 3 દિવસ બાદ જ્યારે પોલીસે મામલાની તપાસ કરી તો આરોપી રાકેશ મૃત નહીં પરંતુ જીવીત મળ્યા.'
પોલીસના જણાવ્યા અનુસાર તેણે જ પોતાની પત્ની અને બન્ને બાળકોની હત્યા કરીને બિસરખ ક્ષેત્રના ચિપયાના ગામમાં એક ઘરના બેસમેન્ટમાં ખાડો ખોદીને તેમાં તેમને દાટી દીધા હતા આટલું જ નહીં તેના પર સીમેન્ટની દિવાલ પણ બનાવી દીધી હતી. બિસરખ પોલીસની હાજરીમાં આરોપીએ નિશાન આપ્યા અને ખોદકામ કરવામાં આવ્યું, જેમાંથી અમુક હાકડા મળ્યા હતા. જેને ફોરેન્સિંક તપાસ માટે મોકલી દેવામાં આવ્યા છે.