કહેવાય છે કે, "ખાલી દિમાગ શેતાન કા ઘર હોતા હૈ", ખાલી દિમાગના હેવાનિયતનો એક અમદાવાદનો ચોંકાવનારો કિસ્સો સામે આવ્યો છે.
લોકડાઉન દરમિયાન સાવ નવરો પડેલો એક પતિ દિવસ-રાત વારંવાર પોતાની પત્ની સાથે શારિરીક સંબંધ બાંધવા માટે ફરજ પાડતો રહ્યો. કેટલાક દિવસો તો એવું બન્યું કે પતિની હવસથી થાકી પત્ની બેભાન થઈ જતી. પતિની ઇચ્છા પત્ની માટે નર્કની યાતનાથી વધુ કશું ન રહી. લોકડાઉન ખુલી ગયું પણ પતિની હેવાનિયત આજે પણ યથાવત રહી, અંતે શારીરિક અને માનસિક રીતે થાકી ગયેલી પત્નીએ જ્યારે પતિને શરીર સુખ આપવાની ના પાડી તો પતિએ તેના પર હુમલો કરી વધુ એક મર્યાદા તોડી. અંતે મહિલાએ હેલ્પલાઇન 181ની મદદ માંગી પતિની હવસખોરીથી છૂટવા અરજ કરી છે.
દિવસે અને રાતે એમ બન્ને સમય 4-4 વખત સ્વરાના શરીરને ચૂંથી રહ્યો હતો
સ્વરાના ગુપ્ત ભાગોમાં અનેક ઈજાઓ થઈ હતી
લોકડાઉન ખુલી ગયું પણ પતિની હેવાનિયત આજે પણ યથાવત રહી
અમદાવાદના બોપલ વિસ્તારમાં રહેલી 25 વર્ષીય સ્વરા અને પ્રકાશના લગ્નને 6 વર્ષ થયા હતા. 3 વર્ષનાં સુંદર બાળક સાથે જિંદગી સારી રીતે વિતી રહી હતી. જોકે લોકડાઉન તેમની જીંદગીમાં આફત બનીને આવ્યું. લોકડાઉન થતાં પતિ આખો દિવસ ઘરમાં જ હોવાથી તે તેની પત્ની સાથે સતત શારીરિક સંબંધ બનાવી રહ્યો હતો.
પ્રકાશ દિવસે અને રાતે એમ બન્ને સમય 4-4 વખત સ્વરાના શરીરને ચૂંથી રહ્યો હતો. એક પણ દિવસ છોડ્યા વગર અનેકવાર પ્રકાશ સંબંધ બનાવતો હોઈ સ્વરાના ગુપ્ત ભાગોમાં અનેક ઈજાઓ થઈ હતી. સ્વરા જો ના પાડે તો જબરજસ્તી કરતો અને ઢોર માર મારતો હતો. લોકડાઉન ખુલી ગયું પણ પતિની હેવાનિયત આજે પણ યથાવત રહી.
બે દિવસ પહેલા પ્રકાશે સ્વરા સાથે શારીરિક સંબંધ બનાવવા પ્રયત્ન કરતા સ્વરાએ તેનો વિરોધ કર્યો તો પ્રકાશે તેને ઢોર માર માર્યો. આ ઘટના જોઈ તેમના મકાન માલિકે મહિલા હેલ્પલાઈન 181ની મદદ માંગી હતી. સ્વરાએ થોડીક કહાની હેલ્પલાઈન પર સંભળાવતા શમસમી ગયેલા મહિલા કાઉન્સિલર સુરેખા બહેન ઘટના સ્થળે પહોંચી ગયા હતા.
સ્વરાએ કાઉન્સિલર સુરેખા બહેનને જણાવ્યું હતું કે, ‘પતિ તેને પ્રેમ નથી કરતો પણ દિવસ રાત બન્ને સમયે અનેકો વાર શારીરિક સંબંધ બાંધતો હોવાથી તેનું સ્વાસ્થ્ય કથળી ગયું છે. જો તે પતિને ના પાડે છે તો પ્રકાશ તેને છોડી દેવાની ધમકી આપે છે અને આસ પડોશના લોકો સાથે પણ વાત કરવા દેતો નથી.’ સુરેખા બહેને પ્રકાશનું કાઉન્સેલિંગ તો કર્યું પણ તેને લાંબા કાઉન્સેલિંગની જરુર હોઈ તેને પોલીસ બેઈઝ સપોર્ટ સેન્ટર મોકલ્યો હતો.
(પાત્રોના નામ બદલેલ છે.) સ્ટોરીઃ ધર્મિષ્ઠા પટેલ, મુંબઈ