અમદાવાદ / પહેલી રાતે જ પતિએ કર્યુ એવું કે પત્નીને થઈ શંકા, ડૉક્ટર પાસે જતાં થયો ચોંકાવનારો ખુલાસો

• લગ્ન બાદ પતિ નીકળ્યો ગે
• 25 દિવસ બાદ ગે હોવાનો ભાંડો ફુટ્યો
• પતિને HIV હોવાનુ ખુલતા નોંધાઈ ફરિયાદ

દાણીલીમડામા બે મહિનાના લગ્ન જીવનનો અંત આવ્યો છે. એક યુવતીના લગ્નના સપના તુટી ગયા. અનેક સપના સજાવીને આ યુવતી સાસરે ગઈ પરંતુ તેના અરમાનો ચકનાચુર થઈ ગયા. ઘટનાની વિગત એવી છે કે જમાલપુરમા રહેતી યુવતીના લગ્ન નવેમ્બર 2019મા દાણીલીમડાના એક યુવક સાથે થયા હતા. લગ્ન બાદ પતિ દ્વારા પત્ની સુખ નહિ મળતુ હોવાથી પત્ની તણાવમા રહેતી હતી. આ દરમ્યાન પતિનો મોબાઈલ ફોન ચેક કરતા પતિ ગે હોવાનુ સામે આવ્યુ. તેના અન્ય પુરુષ સાથે સમૈલેગિંક સંબંધ હોવાનુ ખુલાસો થયો.  પતિએ લંડનમા એક પુરુષ સાથે લગ્ન કર્યા હોવાના પુરાવા મળ્યા. આ ઉપરાંત પતિ HIV પોઝીટીવ હોવાનુ સામે આવતા પત્નીએ પતિ અને સાસરીયા વિરૂદ્ધ ફરિયાદ નોંધાવી છે.

દાણીલીમડામા રહેતો યુવક વ્યવસાયે કોમ્પ્યુટર એન્જીનિયર છે

હૈદરાબાદ ખાતેથી કોમ્પ્યુટર એજનિયરીંગનો અભ્યાસ પૂર્ણ કર્યા બાદ લંડન સ્ટુડન્ટ વિઝા પર ગયો હતો. તે છેલ્લા બે વર્ષથી લંડનમા રહે છે. આ યુવક ગે હોવાનુ સમાજમાં ચર્ચાઈ રહ્યુ હતું. જેથી સમાજના આબરૂ બચાવવા પરિવારે દિકરાને લંડનથી બોલાવી લગ્ન કરાવી દીધા. એટલુ જ નહીં યુવક HIV પોઝીટીવ હોવા છતા સાસરીયાએ છુપાવતા અંતે યુવતીએ દાણીલીમીડા પોલીસ સ્ટેશનના દરવાજા ખખડાવ્યા. પોલીસે યુવતીની ફરિયાદ લઈને ગુનો નોંધ્યો છે.

દીકરીને પરણાવો ત્યારે યુવકની મેડીકલ તપાસ અચુક કરાવો

દાણીલીમડાનો આ કિસ્સો સમાજ માટે એક લાલબત્તી સમાન છે. વિદેશમાં પોતાની દીકરીઓને પરણવાનું ઘેલું રાખે છે તેવા પરિવારે આ ઘટનાથી શીખ મેળવી જોઈએ. દિકરીના લગ્નથી આઘાતમા સરી ગયેવા પરિવાર એક જ અપીલ દરેક મા-બાપને કરે છે કે દિકરીને પરણાવો ત્યારે યુવકના મેડીકલ તપાસ અચુક કરાવો જોઈએ. જેથી આ પ્રકારે કોઈ અન્ય દિકરીનુ જીવન બરબાદ ના થાય. આ ઘટના બાદ આરોપી પતિ અને તેનો પરિવાર ઘર બંધ કરીને ફરાર થઈ ગયા છે. જેથી પોલીસે તેઓની ધરપકડને લઈને કાર્યવાહી શરૂ કરી છે.