સુરતમાં પતિ-પત્ની ઔર વોની ઘટના. પતિએ પત્નીને પ્રેમી સાથે જોઇ જતા પતિએ કરી પ્રેમીની હત્યા, આરોપી જેલના સળિયા પાછળ
સુરતમાં નેપાળી યુવકે કરી હત્યા
પત્નીને પ્રેમી સાથે જોઇ ગયો પતિ
ઘટના સ્થળે જ પ્રેમીનું મોત
રાજ્યમાં છેલ્લા ઘણા સમયથી ગુનાખોરી પ્રવૃત્તિઓનો વ્યાપ વધી રહ્યો છે. ચોરી, હત્યા, લૂંટ જેવા કિસ્સાઓ વધી રહ્યા છે ત્યારે સુરતના સરથાણામાં યુવકની હત્યા થઇ હોવાનું સામે આવ્યુ છે. સરથાણા પોલીસે આરોપી યુવકની ધરપકડ કરી છે.
પરિણીતાને પરપુરુષ સાથે હતા આડાસંબંધ
પ્રેમ તો આંધળો હોય છે, ક્યારે અને કોની સાથે પ્રેમ થઇ જાય તે કહેવુ મુશ્કેલ છે. ત્યારે સુરતમાં પ્રેમ સંબંધમાં જ ખૂની ખેલ ખેલાઇ ગયો. પરિણીતાને તેના પતિએ પરપુરુષ સાથે જોઇ લેતા હથિયારો ઉલળ્યા અને પ્રેમીને મોતને ઘાટ ઉતાર્યો. ઘટનાની વિગતે વાત કરીએ તો લસકાણા રામદેવ ઈન્ડસ્ટ્રીયઝમાં શીવમ ફેશનના ખાતામાં આરોપી પતિ તેની પત્ની સાથે રહેતો હતો. તેની પત્ની નજીકના કારખાનામાં નોકરી કરતી હતી. પત્નિને સહકર્મચારી સાથે જ પ્રેમ થઇ ગયો.
પત્નીનો ભાંડો ફૂટતા પતિએ પ્રેમીની કરી હત્યા
29મી સવારે જ્યારે પત્ની સૂઇ ગઇ હતી ત્યારે પ્રેમીએ તેને મેસેજ કરીને ઘરની નીચે મળવા બોલાવી. પત્ની તેના પ્રેમીને મળવા માટે નીચેના રૂમમાં ગઇ. તો આ તરફ પતિ જાગી જતા તેણે પત્નીને શોધવા માટે શોધખોળ કરી. પરંતુ તે ક્યાંય મળી નહી. આથી તેણે નીચેના રૂમમાં આવીને જોયુ તો પત્ની તેના પ્રેમી સાથે કઢંગી હાલતમાં જોવા મળતા પતિનો પિત્તો ગયો. પતિએ પ્રેમીને તીક્ષ્ય હથિયારના ઘા ઝીંકીને ઘટના સ્થળે જ ઢીમ ઢાળી દીધું. ઉલ્લેખનીય છે કે આરોપી પતિ દિનેશ ચૌધરી મૂળ નેપાળનો વતની છે. જ્યારે મરણજનાર બિહારનો વતની હતો. હાલ ઘટનાને પગલે સરથાણા પોલીસે આરોપી યુવકની ધરપકડ કરીને વધુ તપાસ હાથ ધરી છે.