ગુમ થયા બાદ ફરિયાદ કરતા દિલ્હી પોલીસ તપાસમાં કાર્યરત
દિલ્હી પોલીસ તપાસમાં કાર્યરત
આ મામલો પૂર્વ દિલ્હીના લાલ બહાદૂર શાસ્ત્રી હોસ્પિટલનો છે. જણાવવામાં આવ્યું છે કે ગુમ થયેલી ગર્ભવતી મહિલાને ગુરૂવારે હોસ્પિટલમાં દાખલ કરવામાં આવી હતી. પરંતુ તેના થોડા કલાક બાદ મહિલા ગુમ થઇ. મહિલાના પતિ અને પરિવારજનો તરફથી ઘણા કલાક સુધી તપાસ કર્યા બાદ પણ હજી સુધી મહિલાની કોઈ ભાળ મળી નથી. ત્યારબાદ પોલીસમાં મહિલા ગુમ થયાની ફરિયાદ નોંધવામાં આવી છે. દિલ્હી પોલીસ મહિલાની તપાસમાં કાર્યરત છે.
ગર્ભવતી મહિલા હોસ્પિટલમાંથી ગુમ
પોલીસની તપાસમાં પ્રાથમિક દ્રષ્ટિએ હોસ્પિટલની બેદરકારી સામે આવી છે. એક ગર્ભવતી મહિલા હોસ્પિટલમાંથી ગુમ થાય છે અને ત્યાં હાજર સ્ટાફને તેની કોઈ ખબર નથી. ઘટના બાદ મહિલાના પતિ વિનોદે જણાવ્યું, મારી પત્નીનુ નામ રજની છે, જે પાંચ મહિનાની ગર્ભવતી છે. તેની બુધવારે અચાનક તબિયત ખરાબ થઇ હતી. ત્યારબાદ તેને અમે લાલ બહાદુર શાસ્ત્રી હોસ્પિટલ લઇને આવ્યાં. સાંજે લગભગ પાંચ વાગ્યે પોતાના ભત્રીજાની સાથે ભોજન કરવો ગયો હતો. પરંતુ જ્યારે પાછો આવ્યો તો મારી પત્ની ગુમ હતી.
જવાબદારીથી ભાગી રહ્યું છે હોસ્પિટલ વહીવટી તંત્ર
પીડિત વિનોદે વધુમાં કહ્યું, ત્યારબાદ અમે હોસ્પિટલમાં દરેક જગ્યાએ રજનીની તપાસ કરી. પરંતુ તે ક્યાય ના મળી. જ્યારે હોસ્પિટલમાં રહેલા ડૉકટરો અને સ્ટાફને પૂછવામાં આવ્યું તો તેને પણ રજની ગુમ થયા અંગે કોઈ માહિતી નહોતી. ત્યારબાદ રજની જ્યારે અંદાજે 8 કલાક સુધી ના મળી તો અમે દિલ્હી પોલીસને સમગ્ર મામલાની જાણકારી આપી. હોસ્પિટલનુ વહીવટી તંત્ર અને બધા અધિકારી કથિત રીતે જવાબદારીથી ભાગી રહ્યાં છે અને કશુ પણ કહેવાની ના પાડી રહ્યાં છે.