પટનામાં એક મહિલાએ દાવો કર્યો છે તે કે તેના પતિએ એટલા માટે ત્રણ તલાક આપી દીધાં કેમ કે તેણે મોર્ડન પત્ની બનવા, દારુ પીવા અને ફેન્સી ડ્રેસ પહેરવાની ના પાડી દીધી હતી. પતિને મોર્ડન પત્ની જોઇતી હતી જેનાં કારણે તે પત્નીને મોર્ડન બનવા દબાણ કરતો હતો.
પટનામાં પતિએ મહિલાને ત્રણ તલાક આપ્યાં
મહિલાએ દારુ પીવા અને ટૂંકા કપડા પહેરવાની ના પાડી હતી
વર્ષ 2015માં નુરી ફાતિમાનાં લગ્ન ઇમરાન મુસ્તફા સાથે થયાં હતા
પતિએ કહ્યું ટુંકા કપડા પહેરી નાઇટ પાર્ટી કર
પટનામાં એક મહિલાએ આક્ષેપ કર્યો છે કે તેનાં પતિએ તેને એટલાં માટે ત્રણ તલાક આપ્યાં કેમ કે તેણે મોર્ડન પત્ની બનવા, દારુ પીવા અને ફેન્સી ડ્રેસ પહેરવાની ના પાડી દીધી હતી. મહિલાનું નામ નુરી ફાતિમાં છે. એએનઆઇ સાથેની વાતચીતમાં ફાતિમાએ કહ્યું હતું કે, ઇમરાન મુસ્તફા સાથે તેના લગ્ન વર્ષ 2015માં થયાં હતાં. લગ્નના થોડાક સમય બાદ તેઓ દિલ્હી આવી ગયાં હતાં. થોડાક મહિના બાદ પતિએ તેને કહ્યું તે શહેરની બાકી છોકરીઓની જેમ તુ પણ મોર્ડન બની જા. તે ઈચ્છતો હતો કે હું ટૂંકા કપડા પહેરું, રાતે પાર્ટીમાં જઉં, દારુ પીઉં.
કેમ પતિએ ત્રિપલ તલાક આપ્યાં
નૂરીએ જણાવ્યું હતું કે જ્યારે મે એવું કરવાની ના પાડી તો તેણે મને રોજ માર મારવાનું શરું કર્યું હતું. નુરીએ આક્ષેપ કર્યો કે ઘણાં વર્ષો સુધી તેનો પતિ તેને ત્રાસ આપતો હતો. એક વાર પતિએ તેને ઘરમાંથી બહાર નિકળી જવા કહ્યું. જોકે નૂરીએ ઘર છોડવાની ના પાડી તો પતિએ તેને ત્રણ તલાક આપી દીધા હતાં.
પતિને ફટકારાઇ નોટીસ
મહિલાએ રાજ્ય મહિલા આયોગમાં આ મામલે ફરિયાદ નોંધાવી છે. જેના આઘારે પતિને નોટિસ ફટકારવામાં આવી છે. બિહાર રાજ્ય મહિલા આયોગના ચેરમેન દિલમણી મિશ્રાએ જણાવ્યું હતું કે, અમે મામલાને ધ્યાને લીધો છે અને મહિલાના પતિને નોટિસ મોકલી છે. તેનો બોલાવીશું. પતિએ મહિલાને હેરાન કરી હતી અને બે વખત ગર્ભપાત પણ કરાવ્યો હતો.
પતિને થઇ શકે છે 3 વર્ષની જેલ
1 સપ્ટેમ્બરે પતિએ પત્નીને તીન તલાક આપ્યા હતાં. 1 ઓગસ્ટ 2019ના રોજ રાષ્ટ્રપતિ રામનાથ કોવિંદે મુસ્લિમ મહિલા બિલને સમર્થન આપ્યું હતું. આને ત્રિપલ તલાક તરીકે પણ ઓળખવામાં આવે છે. આ અંતર્ગત પતિને 3 વર્ષની જેલ પણ થઇ શકે છે.