ચકચાર / પતિએ ગર્ભવતી પત્નીને એસિડ પીવા કરી મજબૂર, સારવાર દરમિયાન ગુમાવ્યો જીવ, કારણ જાણીને ગુસ્સો આવશે

• તેલંગણામાં ચકચારી ઘટના
• ગર્ભવતી પત્નીને એસિડ પીવા કરી મજબૂર
• પરિવારે નોંધાવી પોલીસ ફરિયાદ 

તેલંગણાના નિઝામાબાદમાં એક હૃદય દ્વાવક ઘટના સામે આવી છે. પતિએ પોતાની ગર્ભવતી પત્નીને એસિડ પીવા મજબૂર કરતા તેનું મોત નીપજ્યુ. આ ચકચારી ઘટના નિઝામાબાદના રાજપેટ થાંડાની છે.  જાણીને જ ચોંકી જવાય કે ગર્ભવતી પત્નીને શા માટે પતિએ એસિડ પીવા માટે મજબૂર કરી. શું કારણ હોઇ શકે છે આવો જાણીએ. 

'તુ સારી નથી દેખાતી'

પોલીસે જણાવ્યું કે પતિ તરુણે ચાર વર્ષ પહેલા મૃતક પત્ની સાથે લગ્ન કર્યા હતા. એક વેબસાઈટમાં આપેલી માહિતી અનુસાર  ત્રણ મહિના પહેલા જ્યારે તે પ્રેગ્નન્ટ થઈ ત્યારે તરુણે તેને એવું કહીને હેરાન કરવાનું શરૂ કર્યું કે તું સારી નથી દેખાતી. વર્ણી પોલીસે જણાવ્યું હતું કે તેણે તેના પરિવાર પાસેથી વધુ દહેજના પૈસા લેવા માટે પણ પત્નિને હેરાન કરવાનું શરૂ કર્યું હતું.

ટોયલેટ ક્લિનિંગ એસિડ પીવા દબાણ કર્યું

પ્રાપ્ત માહિતી અનુસાર, મંગળવારે તરુણ અને કલ્યાણી વચ્ચે બોલાચાલી થઈ હતી. આ દરમિયાન તરુણે કથિત રીતે તેની પત્નીને ટોયલેટ ક્લિનિંગ એસિડ પીવા દબાણ કર્યું હતું. એસિડ પીધા બાદ કલ્યાણીની હાલત ખરાબ થઈ ગઈ હતી. જે બાદ તેના પરિવારજનો તેને સારવાર માટે નિઝામાબાદની સરકારી હોસ્પિટલમાં લઈ ગયા હતા.

પરિવારે નોંધાવી પોલીસ ફરિયાદ 

જો કે બુધવારે સારવાર દરમિયાન કલ્યાણીનું મોત થયું હતું. કલ્યાણીના સંબંધીઓએ તરુણ અને તેના પરિવાર વિરુદ્ધ ફરિયાદ નોંધાવી હતી. સંબંધીઓનો આરોપ છે કે તેઓએ વધુ પડતા દહેજ માટે હેરાન કર્યા અને શૌચાલય સાફ કરવાનું એસિડ પીવા દબાણ કરીને તેણીની હત્યા કરી. ફરિયાદના આધારે પોલીસે આરોપી પતિ અને તેના પરિવારના બે સભ્યો વિરુદ્ધ ભારતીય દંડ સંહિતાની કલમ 302, 304-B ​​અને 498-A હેઠળ કેસ નોંધ્યો છે.