આગરાના ફેમિલી કાઉંસિલીંગ સેન્ટર પર રવિવારે એક રસપ્રદ મામલામાં પોલીસે પતિ -પત્ની વચ્ચે સમાધાન કરાવ્યું હતું. બંને વચ્ચે ઝઘડાનું કારણ કારેલાનો જ્યૂસ હતો.
કુટુંબ સલાહ કેન્દ્ર પર અનોખો મામલો
પતિ પત્ની વચ્ચે કારેલાના જ્યૂસને લઈને ઝઘડો
વધારે પડતી ચિંતા કરતી પત્નીથી પતિ પરેશાન
આગરાના ફેમિલી કાઉંસિલીંગ સેન્ટર પર રવિવારે એક રસપ્રદ મામલામાં પોલીસે પતિ -પત્ની વચ્ચે સમાધાન કરાવ્યું હતું. બંને વચ્ચે ઝઘડાનું કારણ કારેલાનો જ્યૂસ હતો. પતિના સારા સ્વાસ્થ્ય માટે ચિંતાગ્રસ્ત પત્ની તેને કારેલાનો જ્યૂસ બનાવીને આપતી હતી. પણ પતિ જ્યૂસ પીતો નહોતો. જેને લઈને મોટા ભાગે પતિ-પત્ની વચ્ચે ઝઘડા થતાં અને વાત એટલી વધી ગઈ કે, મામલો ફેમિલી કાઉંસિલિંગ સેન્ટર સુધી પહોંચી ગયો.
પત્ની દરરોજ કારેલોનો જ્યૂસ પિવડાવતી
કારેલના જ્યૂસને લઈને ઝઘડો કરનારા પતિ-પત્ની વચ્ચે બે મહિનાથી કાઉંસિલિંગ ચાલી રહ્યું હતું. મહિલાનું કહેવુ છે કે, તેના પતિને ડાયાબિટીશની બિમારી છે. પણ તે મારો બનાવેલો કારેલા અને દૂધીનો જ્યૂસ પીતા નથી. તેમના સ્વાસ્થ્યની ચિંતાને લઈને દરરોજ ઝઘડા થાય છે. મહિલાએ પતિ પર ઘરવાળાની વધારે વાત માનવાનો પણ આરોપ લગાવ્યો હતો.
સમાધાન થયું
કુટુંબ સલાહ કેન્દ્ર પર પતિ પત્નીની ફાઈનલ કાઉંસિલીંગ રવિવારે થઈ હતી. આ દરમિયન પતિએ ભૂલ સ્વિકારી. તેણે કહ્યું કે, તે હવે કારેલાનો જ્યૂસ ઝઘડો કર્યા વગર પી લેશે. જેના પર બંને વચ્ચે સમાધાન થઈ ગયું. બાદમાં પતિ -પત્ની શાંતિથી ઘરે જતાં રહ્યા.