પતિ અરૂણ મિશ્રાએ પોતાની પત્ની સામે ઘરનો સામાન ચોરી કરવા અને કોઈ અન્ય વ્યક્તિ સાથે સંબંધ રાખવાની ફરિયાદ કરી હતી. પત્નીની અરજી પર પોલીસે પતિ-પત્ની બંનેના નિવેદન નોંધવા માટે પોલીસ સ્ટેશન બોલાવ્યાં હતા.
પતિ-પત્નીનો ઝઘડો પોલીસ સ્ટેશને પહોંચ્યો
પતિએ પત્ની વિરુદ્ધ FIRની કરી માંગ, પોલીસે ફરિયાદ ના નોંધી
નારાજ પતિ પોલીસ સ્ટેશનમાં બનેલા મોબાઈલ ટાવર પર ચઢી ગયો
પત્નીએ પોલીસ સ્ટેશનમાં ફરિયાદ કરતા પતિ મોબાઈલ ટાવર પર ચઢ્યો
મધ્ય પ્રદેશના ખંડવામાં રવિવારે સાંજે એક યુવક કોતવાલી પોલીસ સ્ટેશન પરિસરમાં રહેલ મોબાઈલ ટાવર પર ચઢી ગયો. ટાવર પર ચઢેલા યુવકે આરોપ લગાવ્યો કે પોલીસ તેની પત્નીની વિરુદ્ધ એફઆઈઆર લખી રહી નથી. જેનાથી પરેશાન થઇને તે ટાવર પર ચઢી ગયો હતો. જો કે, વકીલ અને પોલીસની સમજાવટ બાદ યુવક ટાવર પરથી સુરક્ષિત નીચે ઉતરી ગયો હતો.
પત્નીએ ઘરેલુ હિંસા હેઠળ પોલીસ સ્ટેશનમાં કરી હતી ફરિયાદ
પ્રાપ્ત જાણકારી મુજબ, યુવકની પત્નીએ દહેજ ઉત્પીડન અને ઘરેલુ હિંસા હેઠળ કોતવાલી પોલીસ સ્ટેશનમાં ફરિયાદ માટે અરજી કરી હતી. જે સંદર્ભે પોલીસે પતિ-પત્નીને નિવેદન માટે બોલાવ્યા હતા. નિવેદન બાદ યુવક પત્નીની સામે ફરિયાદ નોંધાવવા માટે અડી ગયો. જ્યારે પોલીસે તેની વાત ના સાંભળી તો તે ટાવર પર ચઢી ગયો.
કોતવાલી પોલીસ સ્ટેશનમાં પારિવારિક વિવાદને પગલે પતિ-પત્નીને નિવેદન નોંધાવવા માટે બોલાવવુ પોલીસને ભારે પડી ગયુ. સુરજકુંડ નિવાસી અરૂણ મિશ્રા અને તેની પત્નીની વચ્ચે વિવાદ ચાલી રહ્યો છે. જેને પગલે તેની પત્નીએ ખંડ઼વાના કોતવાલી સ્ટેશનમાં દહેજ ઉત્પીડન અને ઘરેલુ હિંસા હેઠળ કાર્યવાહી કરવા માટે એક ફરિયાદ કરી હતી.
પોલીસે બિલની માંગણી કરી તો યુવત ટાવર પર ચઢી ગયો
તો પતિ અરૂણ મિશ્રાએ પણ તેની પત્નીની સામે ઘરનો સામાન ચોરી કરવા અને કોઈ અન્ય માણસની સાથે સંબંધ રાખવાની ફરિયાદ કરી હતી. પત્નીની અરજી પર પોલીસે પતિ-પત્નીના નિવેદનને નોંધવા માટે પોલીસ સ્ટેશન બોલાવ્યાં હતા. પરંતુ પતિ અરૂણ મિશ્રા પત્ની પર ચોરીની એફઆઈઆર નોંધાવવા માટે અડી ગયો. જ્યારે પોલીસે ચોરાયેલા સામાનનુ બિલ માંગ્યુ તો તે પોલીસ સાથે અડી ગયો. ત્યારબાદ તે કોતવાલી પોલીસ સ્ટેશનમાં બનેલા મોબાઈલ ટાવર પર ચઢી ગયો.