પત્નીએ કરી એવી હરકત તે બેડરુમમાં એન્ટર થતા જ પતિનો ભભૂક્યો રોષ, પાડોશીને આપત્તિજનક સ્થિતિમાં પત્નિ સાથે જોઇ લેતા મામલો બીચક્યો
પાડોશીને જોયો પોતાના બેડરુમમાં
પતિએ ગુમવ્યો હોશ અને ખેલાયો ખૂની ખેલ
આફ્રિકામાં બની આ ઘટના
પતિ અને પત્નીના સંબંધો પ્રેમ અને વિશ્વાસ પર ટકેલા હોય છે. સંબંધમાંથી જ્યારે પ્રેમ અને વિશ્વાસ ઉઠી જાય ત્યારે જિંદગી ઝેર જેવી લાગવા લાગે છે. આવી સ્થિતિમાં વ્યક્તિ પોતાના પાર્ટનરને દગો આપવા માટે પળનો પણ વિચાર કરતો નથી. ત્યારે આફ્રિકી દેશમાં પણ આવી જ એક ઘટના બની. પાડોશીના કરતૂતથી પતિનો પિત્તો ગયો અને પળવારમાં જ ખેલાઇ ગયો ખૂની ખેલ.
આફ્રિકાની ઘટના
આફિકાના કેન્યામાં રુંડામાં પોલીસે 48 વર્ષના એક શખ્સની પાડોશીની હત્યા મામલે ધરપકડ કરી છે. મળતી માહિતી અનુસાર આ શખ્સ એક દિવસ કીધા વિના જ પોતાના ધરે પહોંચી ગયો. અને ઘરે પહોંચીને જોયુ તો તેના બેડરુમમાં પત્ની સાથે પાડોશીને આપત્તિજનક સ્થિતિમાં જોયો. આ દ્રશ્યો જોતા જ પતિનો પારો ગયો અને પળવારનો વિલંબ કર્યા વિના જ ગુસ્સામાં આવીને તેણે પાડોશી પર હુમલો કરી દીધો હતો.
બેડરુમમાં જોયો પાડોશી
આફ્રિકી મીડિયાના રિપોર્ટ અનુસાર સૈમુઅલ મુસુન્ગ નામનો શખ્સ વ્યવસાયે મજૂર છે. પોલીસનું કહેવુ છે કે સૈમુઅલે પાડોશીને પત્ની સાથે કઢંગી હાલતમાં જોઇ લેતા રોષ ફાટી નીકળ્યો. આરોપી પતિએ પહેલાઓ તો પત્થરનો ટુકડો ઉઠાવીને પાડોશીના માથે માર્યો. પોલીસે નિવેદન આપતા જણાવ્યુ કે પાડોશીનું ઘટના સ્થળે જ મોત નીપજ્યું. મૃતકનું નામ નૈશન મુડોવી હતું.
DCIએ એક નિવેદનમાં જણાવ્યુ કે ઘટના દરમિયાન લોકોએ નૈશનને બચાવવાની કોશિશ કરી હતી. પરંતુ લોકો તેને બચાવે તે પહેલા જ તેનું મોત નીપજ્યું હતું. સ્થાનીય વ્યક્તિ રિચર્ડ વામલવાએ જણાવ્યુ કે આ ઘટના કોઇ હોરર ફિલ્મ જોતા હોઇએ તેવી હતી. એક ખરાબ સ્વપ્ન જેવી હતી.