અમદાવાદ / તલાક, તલાક, તલાક...કહીને પત્નીને ઘરમાંથી કાઢી મૂકી, સાળા-સાસુ પર હુમલો કર્યો

• શહેરમાં બની ત્રીપલ તલાકની ઘટના 
• 22 વર્ષની આશિયાબાનુને પતિએ આપ્યા તલાક 
• મામલો પહોંચ્યો પોલીસ સ્ટેશને

ફતેહવાડી વિસ્તારમાં આવેલ બાગેબદર રો-હાઉસમાં રહેતી 22 વર્ષીય આશિયાબાનુ મિર્ઝાએ વેજલપુર પોલીસ સ્ટેશનમાં પતિ તેમજ સાસુ, સસરા અને જેઠ વિરુદ્ધમાં મુસ્લિમ મહિલા ઓર્ડન્સસ-2018 તેમજ ડોમે‌સ્ટિક વાયોલન્સ એક્ટ અને માર માર્યાની ફરિયાદ કરી છે. 

આશિયાબાનુને માન‌િસક ટોર્ચર કરતા 

ફરિયાદમાં કરેલા આક્ષેપ પ્રમાણે વર્ષ 2017 માં આશિયાબાનુનાં લગ્ન વેજલપુર વિસ્તારમાં આવેલ મક્કાનગર સોસાયટીમાં રહેતા નદીમબેગ સાથે થયાં હતાં. લગ્ન બાદ આ‌િશયાબાનુ સાસુ અખ્તરબાનુ, સસરા હબીબ બેગ અને જેઠ નફીસ બેગ અને જેઠાણી સગુફ્તાબાનુ સાથે સંયુક્ત પરિવારમાં રહેતી હતી. લગ્નના થોડાક દિવસ બાદ યેનકેન રીતે આશિયાબાનુને માન‌િસક ટોર્ચર કરતાં હતાં.
 
આશિયાબાનુને ત્રણ વખત તલાક કહીને ઘરમાંથી કાઢી મુકી 

થોડાક દિવસ પહેલાં સસરા હબીબ બેગે આશિયાબાનુને તલાક...તલાક...તલાક કહીને ઘરમાંથી કાઢી મૂકી હતી. આ‌િશયાબાનુ તેના પિયરમાં રહેતી હતી. આશિયાબાનુની સાસરીમાં તેનો ભાઇ અતિક કપડાં લેવા માટે ગયો ત્યારે નદીમ બેગ, હબીબ બેગ, નફીસ બેગે ઢોરમાર મારીને કાઢી મૂક્યો હતો.  થોડાક સમય બાદ નદીમ, હબીબ, નફીસ અને અખ્તરબાનુ ‌રિક્ષામાં આ‌િશયાબાનુના ઘરે આવ્યાં હતાં અને અતિક પર છરી વડે હુમલો કરી દીધો હતો. 

આશિયાબાનુની માતાને માથાના ભાગે પથ્થર વાગ્યો

અતિકને પગમાં છરીનો ઘા વાગ્યો હતો ત્યારે આશિયાબાનુની માતાને માથાના ભાગે પથ્થર વાગ્યો હતો. બંને જણાને સારવાર માટે હોસ્પિટલમાં લઇ ગયાં હતાં. આશિયાબાનુએ આ મામલે વેજલપુર પલીસ સ્ટેશનમાં ફરિયાદ કરી છે, જેમાં પોલીસે ગુનો દાખલ કરીને તપાસ શરૂ કરી છે.