ઘણીવાર કોર્ટમાં અજીબો ગરીબ કિસ્સાઓ સામે આવતા હોય છે પરંતુ આજે એક ચોકાવનાર કિસ્સો કોર્ટમાં આવ્યો હતો એક પતિની ફરિયાદ હતી કે તેની પત્ની રોજ મેગી ખાવામાં આપતી.
સવાર બપોર અને સાંજે પણ પત્ની બનાવતી મેગી
પતિએ કંટાળીને માગ્યા ડિવોર્સ
કોર્ટે સમજાવવા છતાં પણ બંને થયા સહમતીથી અલગ
મેગી બની છુટાછેડાનું કારણ
જીવન આજકાલ ભાગદોડથી ભરેલું છે. જે બંને દંપતી કામ કરે છે, તેઓ રસોઈથી લઈને ઘરના બાકીના કામ બધું જ વહેંચીને કરે છે. એક ચોંકાવનારા સમાચાર આવી રહ્યા છે મૈસૂરથી. જ્યાં એક પતિએ પત્નીને છૂટાછેડા આપી દીધા કારણ કે તેની પત્ની માત્રને માત્ર મેગી જ બનાવતી હતી. મેગીના કારણે પતિ-પત્નીના છૂટાછેડા થયા છે.
શું છે સંપૂર્ણ મામલો ?
સુત્રોના જણાવ્યા અનુસાર, જીલ્લા ડિસ્ટ્રિક્ટ અને સેશન્સ કોર્ટમાં જજ એમ એલ રઘુનાથે શુક્રવારે આ કેસની સુનાવણી કરી હતી. આ નાનકડા મુદ્દાને લઈને દંપતીએ કોર્ટનો સહારો લીધો હતો. કોર્ટમાં પતિએ કહ્યું હતું કે, તેની પત્ની રસોઈમાં મેગી સિવાય કશું જ બનાવી શકતી નથી. તે બ્રેકફાસ્ટમાં મેગી, લંચમાં મેગી અને રાત્રે ડિનરમાં પણ મેગી જ બનાવે છે. તે પણ રાશનમાં ઇન્સ્ટન્ટ નૂડલ્સ ખરીદી લાવે છે. આ કેસનું નામ 'મેગી કેસ' રાખવામાં આવ્યું હતું.
બન્નેનાં ડિવોર્સ થઇ ગયા
જોકે બંનેના પરસ્પર સહમતિથી ડિવોર્સ થઈ ગયા. પરંતુ આપણે જણાવી દઈએ કે કોર્ટ પહેલા પતિ-પત્ની વચ્ચે આવી બાબતો અંગે થતી મૂંઝવણને ઉકેલવાનો પ્રયાસ કરે છે. રઘુનાથ સમજાવે છે કે કોર્ટ મોટાભાગના યુગલોને ફરીથી જોડવાનો પ્રયાસ કરે છે. જો કે ઘણી વખત લોકો જૂની વાતો ભૂલીને નવી જિંદગીની શરૂઆત કરે છે. તેમણે કહ્યું કે, 800-900 કેસમાંથી 20-30 કેસ કોર્ટ સોલ્વ કરે છે. આ પહેલા લોક અદાલતમાં 110 કેસમાંથી 32 કેસનો નિકાલ થયો હતો.