અરેરાટી / તાપીમાં સરકારી કચેરીમાં જ પતિએ અગ્નિસ્નાન કરતાં પત્ની પણ આવી ઝપેટમાં, બંનેના મોત, કારણ જાણી હચમચી જશો

• તાપીમાં વાલોડ તાલુકા પંચાયત કચેરીમાં પતિ-પત્નીનું મૃત્યું
• પતિ-પત્ની વચ્ચે એક મહિનાથી હતો અણબનાવ 
• પત્ની મહિલા નરેગા વિભાગમાં ઓપરેટર અને પતિ શિક્ષક તરીકે ફરજ બજાવતો હતો 

તાપી જિલ્લાના વાલોડ તાલુકા પંચાયત કચેરીમાં આજે એક ચકચારી ઘટના પ્રકાસમાં આવી હતી.  શિક્ષક પતિએ પોતાની પત્નીના ચારિત્ર્ય પર શંકા રાખી પોતાના શરીરે જ્વલંનશીલ પ્રદાર્થ છાંટી જાત જલાવી હતી. ત્યારબાદ પત્ની ને પણ આગ ચાંપી દીધી હતી. આમ પોતે આત્મહત્યા અને પત્નીની હત્યા કરતાં પંથકમાં સનસનાટી મચી જવા પામી હતી. આ મામલે પોલીસને જાણ થતાં  જિલ્લા પોલીસ વડા સહિત સ્થાનિક પોલીસ સ્ટાફ તાત્કાલિક ઘટનાસ્થળે દોડી ગયો હતો. સમગ્ર મામલે પોલીસે ગુનો નોંધી કાર્યવાહી આગળ ધપાવી છે.

અમિત પટેલે પોતાની જાત જલાવી બાદ પત્નીને પણ લીધી ઝપેટમાં
તાપી જિલ્લાની વાલોડ તાલુકા પંચાયત કચેરીમાં હત્યા, આત્મહત્યાની ઘટના સામે આવી છે. વાલોડ તાલુકા પંચાયત કચેરીમાં નરેગા વિભાગમાં ઓપરેટર તરીકે ફરજ બજાવતા મયુરી ગામીતના  ચારિત્ર્ય પર તેનો પતિ અવરનાર શંકા કરતો હતો. આ મામલે પતિ, પત્ની બંને વચ્ચે છેલ્લા એક માસથી અણબનાવ ચાલતો હતો.આરોપી પતિ અનિલ પટેલ ઉચ્છલ ખાતે શિક્ષક તરીકે ફરજ બજાવતો હતો. આ દરમિયાન આરોપી પતિએ પત્નીના ચારિત્ર્ય પર શંકાના રોષમાં પોતાના શરીરે જ્વલનશીલ પ્રદાર્થ છાંટી લીધું હતું. જેથી તેના શરીરે આગ લાગી હતી. ત્યારબાદ આગ પોતાની પત્નીને પણ આગની ઝપેટમાં લીધી હતી. આ ઘટનાને પગલે  વાલોડ તાલુકા પંચાયતમાં અફરાતફડી મચી ગઈ હતી. 

જિલ્લા પોલીસ વડા ઘટનાસ્થળે દોડી ગયા
આ ઘટના અંગેના વાવડ વહેતા થતાં ઘટનાની ગંભીરતાને ધ્યાને લઈ જિલ્લા પોલીસ વડા ખુદ ઘટનાસ્થળે દોડી ગયા હતા. જ્યાં ઘટનાનું નિરીક્ષણ કર્યું હતું. બનાવને લઈ તાલુકા વિકાસ અધિકારીની પોલીસે ફરિયાદ લીધી હતી. અને તપાસના ચક્રોગતિમાન કર્યા હત. પોલીસની તપાસ દરમિયાન પતિ- પત્ની વચ્ચે બન્ને વચ્ચે છેલ્લા એક માસ થી વધુ સમયથી અણબનાવ ચાલતો હતો અને ચારિત્ર પર શંકા રાખી પતિ દ્વારા આ પગલું ભરવામાં આવ્યું હોવાનુ જાહેર થવા પામ્યું છે.