જો તમે સસ્તુ સોનું ખરીદવા ઈચ્છો છો તો મોદી સરકારની સોવરેન ગોલ્ડ બોન્ડ સ્કીમનો લાભ લઈ શકો છો. આ સ્કીમમાં સસ્તુ સોનું મળી રહ્યું છે અને સ્કીમ આવતીકાલે સમાપ્ત થઈ રહી છે.
સસ્તુ સોનું ખરીદવા માટે બેસ્ટ છે આ સ્કીમ
મોદી સરકારની સોવરેન ગોલ્ડ બોન્ડ સ્કીમનો લો લાભ
આવતીકાલે ખતમ થઈ રહી છે આ 4 દિવસીય યોજના
જો તમે પણ સસ્તુ સોનું ખરીદવા ઈચ્છો છો તો તમારી પાસે હવે ફક્ત 1 દિવસનો સમય બાકી છે. 12-16 જુલાઈ માટે લાગૂ કરવામાં આવેલી મોદી સરકારની સોવરેને ગોલ્ડ બોન્ડ સ્કીમ આવતીકાલે ખતમ થઈ રહી છે. આ સ્કીમમાં ગોલ્ડનો ભાવ પ્રતિ ગ્રામ 4807 રૂપિયા રાખવામાં આવ્યો છે. તો ઓનલાઈન પેમેન્ટ કરવા માટે તમને 50 રૂપિયાનું ડિસ્કાઉન્ટ પણ મળે છે એટલે કે તમે 4757 રૂપિયામાં તેને ખરીદી શકો છો. જાણો શું છે સ્કીમ અને ક્યાથી ખરીદી શકાશે ગોલ્ડ બોન્ડ.
જાણો શું છે સોવરેન ગોલ્ડ બોન્ડ
સોવરેન ગોલ્ડ બોન્ડ એક સરકારી બોન્ડ હોય છે. તેને ડીમેટ રૂપમાં પરિવર્તિત કરી શકાય છે. તેનું મૂલ્ય રૂપિયા કે ડોલરમાં હોતું નથી પણ સોનાના વજનમાં હોય છે. બોન્ડ 5 ગ્રામ સોનાના છે તો 5 ગ્રામ સોનાની કિંમત હશે એટલી બોન્ડની કિંમત હશે. આ બોન્ડ આરબીઆઈ સરકારની તરફથી જાહેર કરે છે. આ યોજના સરકારે 2015માં શરૂ કરી હતી.
શા માટે સોવરેન ગોલ્ડ બોન્ડ સ્કીમમાં રોકાણ કરે છે ફાયદો
મેચ્યોરિટી પર સોવરેન ગોલ્ડ બોન્ડ ટેક્સ ફ્રી હોય છે.
કેન્દ્ર સરકાર સમર્થિત હોવાના કારણે ડિફોલ્ટનું જોખમ રહેતું નથી.
ફિઝિકલ ગોલ્ડને બદલે ગોલ્ડ બોન્ડને મેનેજ કરવાનું સરળ રહે છે.
પ્યોરિટીની ઝંઝટ રહેતી નથી અને કિંમત 24 કેરેટ ગોલ્ડના આધારે નક્કી કરાય છે.
એક્ઝિટનો સરળ વિકલ્પ છે. ગોલ્ડ બોન્ડના અગેન્સ્ટ લોનની સુવિધા મળે છે.
મેચ્યોરિટી પિરીયડ 8 વર્ષનો રહે છે અને 5 વર્ષ બાદ વેચવાનો વિક્લપ પણ મળે છે.
જાણો કેટલું કરી શકાય છે રોકાણ
સોવરેન ગોલ્ડ બોન્ડ સ્કીમમાં એક નાણાંકીય વર્ષમાં એક વ્યક્તિ 4 કિગ્રા સોનાના બોન્ડ ખરીદી શકે છે. ન્યૂનતમ રોકાણ 1 ગ્રામનુ કરી લેવું જરૂરી છે. ટ્રસ્ટ કે તેના જેવી સંસ્થાઓ 20 કિગ્રા સુધીના બોન્ડ ખરીદી શકે છે. અરજી ઓછામાં ઓછા 1 ગ્રામ કે તેના મલ્ટીપલમાં જાહેર કરાય છે. બોન્ડની કિંમત ઈન્ડિયન બુલિયન એન્ડ જ્વેલર્સ એસોસિયેશન લિમિટેડ દ્વારા આપવામાં આવેલા 999 શુદ્ધતાના ગોલ્ડના આધારે ક્લોઝિંગ પ્રાઈઝના આધારે નક્કી કરાય છે.
ક્યાંથી ખરીદી શકશો સોનું
આ ખરીદવા માટે તમારે તમારી બેંક, BSE, NSE વેબસાઇટ અથવા પોસ્ટ ઓફિસનો સંપર્ક કરવો પડશે. તેને અહીંથી ડિજિટલી ખરીદી શકાય છે. આ એક પ્રકારનું સુરક્ષિત રોકાણ છે કારણ કે ત્યાં ન તો શુદ્ધતાની ચિંતા છે કે ન સુરક્ષાની સમસ્યા.