હવામાન નિષ્ણાંત અંબાલાલ પટેલની આગાહી સામે આવી તેમણે કહ્યું કે ઓક્ટોબરના પ્રથમ સપ્તાહ સુધી ચોમાસાનો અંત આવી શકે તો આંધ્ર અને ઓડિશા તટ પર વાવાઝોડું ટકરાઈ તેવી પણ આગાહી કરી છે
હવામાન નિષ્ણાંત અંબાલાલ પટેલની આગાહી
ઓક્ટોબરના પ્રથમ સપ્તાહ બાદ ચોમાસું પૂર્ણ થશે
સાર્વત્રિક વરસાદની હવામાન વિભાગની આગાહી
એક તરફ ગુજરાતમાં હવામાન વિભાગે સાર્વત્રિક વરસાદની આગાહી કરી છે ત્યારે હવે હવામાન નિષ્ણાંત અંબાલાલ પટેલની આગાહી સામે આવી છે.
હવામાન નિષ્ણાંત અંબાલાલ પટેલની આગાહી
હવામાન શાસ્ત્રી અંબાલાલ પટેલે વરસાદને લઈને આગાહી કરતા કહ્યું કે ગુજરાતમાં સારો વરસાદ પડી શકે છે તો ઓક્ટોબરના પ્રથમ સપ્તાહ સુધી ચોમાસાનો અંત આવી શકે છે, અંબાલાલ પટેલે આગાહી કરતા કહ્યું કે 27 સપ્ટેમ્બરથી લઈને 5 ઓક્ટોબર સુધી ગુજરાતમાં વરસાદ પડે તેવી આગાહી કરતા અંબાલાલ પટેલે કહ્યું કે હાથિયા નક્ષત્રમાં સારો વરસાદ પડવાની સંભાવનાઓ જોવા મળી રહી છે. સાથે જ ગાજ વીજ સાથે ગુજરાતના ઉત્તર-પુર્વીય ભાગોમાં વરસાદની શક્યાતાનો અંબાલાલ પટેલે અણસાર આપ્યો છે.
ઓક્ટોબરના પ્રથમ સપ્તાહ બાદ ચોમાસું પૂર્ણ થશે
હવામાન નિષ્ણાંત અંબાલાલ પટેલે વધુમાં કહ્યું કે 2005 પછી સપ્ટેમ્બર મહિનામાં પ્રથમ વખત બંગાળના ઉપસાગરમાં વાવાઝોડું ત્રાટકી શકે તેવી આગાહી પણ કરી છે, તેમણે આંધ્ર અને ઓડિશા તટ પર આ વાવાઝોડું ટકરાઈ તેવું હવામાન શાસ્ત્રી અંબાલાલ પટેલનું અનુમાન છે, ત્યારે હવે ગુજરાતમાં ભારે વરસાદ બાદ હવે ધીમેધીમે ચોમાસું વિદાઈ લઈ લેશે તેવું પણ અંબાલાલ પટેલે જણાવ્યું છે, તેમણે કહ્યું તે મુજબ ઓક્ટોબરના પ્રથમ સપ્તાહ સુધીમાં ચોમાસું ગુજરાતમાંથી વિદાઈ લઈ શકે છે, ત્યાં સુધી ગુજરાતમાં કેટલાક વિસ્તારોમાં ધીમેધારે વરસાદ પડે તેવી તેમણે આગાહી કરી છે.
આગામી દિવસોમાં રાજ્યમાં સારા વરસાદની આગાહી
મહત્વનું છે કે ગુજરાતમાં હવામાન વિભાગે પણ સાર્વત્રિક વરસાદની આગાહી કરી છે ગુજરાતમાં પડેલા સારા વરસાદથી રાજ્યના ડેમમાં પાણીની સારી આવક થઈ છે, સાર્વત્રિક વરસાદને કારણે નદી, નાળા, સરોવરો સહિત ચેકડેમોમાં નવા નીર આવતા ગુજરાત પરથી જળસંકટની મોટી આફત ટળી છે, તો બીજી તરફ ખેડૂતોને સિંચાઈ માટેનો પ્રશ્ન પણ હલ થયો છે, સમગ્ર ગુજરાતમાં સપ્ટેમ્બરે મહિનાની શરૂઆતથી જ મેઘરાજા મહેરબાન બન્યા છે ત્યારે હજુ પણ રાજ્યમાં સાર્વત્રિક વરસાદની આગાહી કરવામાં આવી રહી છે.
ગુજરામાં સાર્વત્રિક વરસાદની આગાહી
રાજ્યના હવામાન વિભાગે ગુજરામાં સાર્વત્રિક વરસાદની આગાહી કરી છે, જેમાં ગુજરાતના અનેક જિલ્લાઓમાં વરસાદની પડનાની સંભાવનાઓ વ્યક્ત કરવામાં આવી છે, રાજ્યના ગીર સોમનાથ, જૂનાગઢ, જામનગર, દ્વારકા, પોરબંદર, આ તરફ કચ્છ, સુરત, નવસારી, ભરૂચ અને વલસાડમાં પણ ભારેથી અતિભારે વરસાદની આગાહી કરી છે.
ભારે વરસાદને પગલે નદીઓમાં નવા નીર આવ્યા
મહત્વનું છે કે રાજ્યમાં સારા વરસાદને પગલે નદીઓમાં નવા નીર આવ્યા છે કેટલીક વાર ભારે વરસાદને કારણે નદીઓ ગાંડીતૂર પણ બની હોવાના દ્રશ્યો સામે આવ્યા છે, નદીઓમાં ઘોડાપૂર જેવી સ્થિતિ સર્જાવવાને કારણે અનેક ગામોમાં પૂરમા પાણી ફરી વળતા હોય છે, ત્યારે હજુ પણ ગુજરાતમાં સાર્વત્રિક વરસાદની આગાહી કરવામાં આવી રહી છે.
નર્મદા ડેમની જળ સપાટીમાં સતત વધારો
મહત્વનું છે કે રાજ્યમાં સારો વરસાદ પડતા નર્મદા ડેમની જળ સપાટીમાં પણ વધારો થઈ રહ્યો છે. નર્મદા ડેમની જળ સપાટીમાં 27 સેમીનો વધારો જોવા મળી રહ્યો છે. હાલ ડેમની જળ સપાટી 123.47 મીટરે પહોંચી છે, તો ઉપરવાસમાંથી 265 ક્યુસેક પાણીની આવક થઈ રહી છે તો હાલ પાણીની જાવક પર રોક લગાવી દેવામાં આવી છે, નર્મદા ડેમની જળ સપાટી વધતા હવે ગુજરાતમાં પાણીની તંગીનો પ્રશ્ન પણ હલ થયો છે.