અમેરિકામાં એક શક્તિશાળી તોફાન આવવાની આશંકા છે. તોફાન ફ્લોરેન્સ શ્રેણી ચારનું તોફાન છે અને આ અમેરિકાના પૂર્વ તટીય હિસ્સા સાથે અથડાઇ શકે છે. આ સાથે જ ઝડપી હવા પણ ચાલશે જેની સ્પીડ 220 કિલોમીટર પ્રતિકલાક સુધીની હોઇ શકે છે. તોફાન ફ્લોરેન્સની આશંકાને ધ્યાનમાં રાખીને 10 લાખ લોકોને તોફાન આશંકા વાળા વિસ્તારથી સુરક્ષિત સ્થાન પર જવા માટે કહેવામાં આવ્યું છે.
સાઉથ કેરોલીનાના ગવર્નર હેનરી મેકમાસ્ટરે ગુરુવારે તોફાનની આશંકા પહેલા રાજ્યના પૂર્વ વિસ્તારના 10 લાખ નિવાસીઓને પોતાનું ઘર છોડવા માટે કહ્યું છે.
નોર્થ કેરોલીના ગવર્નરે પણ કેટલાક ભાગમાંથી લોકોને જવા માટે કહ્યું છે જ્યારે વર્જિનીયામાં આપાતકાલની જાહેરાત કરવામાં આવી છે.
મેકમાસ્ટરે કહ્યું કે આ તોફાન ખૂબ જ ખતરનાક છે. તોફાન ફ્લોરેન્સથી પૂર્વ અમેરિકાના વિસ્તારોમાં પૂર આવવાની પણ શક્યતા છે જ્યાં પહેલાથી ભારે વરસાદ થઇ રહ્યો છે.
રાષ્ટ્રપતિ ડોનાલ્ડ ટ્રંપે ટ્વિટર પર કહ્યું નોર્થ કેરોલીના સાઉથ કેરોલીના તથા તમામ પૂર્વ તટના નિવાસીઓ આ તોફાન ખૂબ જ ખરાબ છે.