ગ્લોબલ હંગર ઇન્ડેક્સ 2020નો અહેવાલ શુક્રવારે આવ્યો છે. આ લિસ્ટમાં ભારત 107ના લિસ્ટમાં 94માં ક્રમે છે. રિપોર્ટ અનુસાર 27.2ના સ્કોર સાથે ભારતમાં ભૂખનું સ્તર ગંભીર છે. ભારતની રેન્કિંગ ગયા વર્ષે 117 દેશોમાંથી 102 ઉપર છે.
ભારતની નીચે ફક્ત 13 દેશો છે. આ દેશો રવાન્ડા, નાઈજિરીયા, અફઘાનિસ્તાન, લિબિયા, મોઝામ્બિક અને ચાડ છે.
ઇન્ડેક્સમાં ભારત નેપાળ અને પાકિસ્તાનથી પણ નીચે છે. રિપોર્ટ અનુસાર નેપાળ (73), પાકિસ્તાન (88), બાંગ્લાદેશ (75), ઇન્ડોનેશિયા (70)માં સ્થાને છે. ભારતની નીચે વાન્ડા, નાઈજિરીયા, અફઘાનિસ્તાન, લિબિયા, મોઝામ્બિક અને ચાડ જેવા દેશો છે. અહેવાલ અનુસાર ભારતની 14% વસ્તી કુપોષણથી પીડાય છે.
આ અહેવાલમાં દેશના 37.4% બાળકોને સ્ટંટીંગ રેટમાં મુકવામાં આવ્યા છે. સ્ટંટીંગ કિડ્સ એમને કહેવામાં આવે છે જેમની હાઈટ તેમની ઉંમરની તુલનામાં ઓછી હોય જેથી તેઓ વધુ કુપોષિત દેખાય છે.
After India goes below Bangladesh in per capita GDP, India reaches almost the bottom of the world hunger index even below Bangladesh and Pakistan! Great going Modiji pic.twitter.com/l1VmjEAoPJ
હંગર ઈન્ડેક્સને લઈને વરિષ્ઠ વકીલ પ્રશાંત ભૂષણે એક ટ્વીટ કર્યું છે. ભૂષણએ 'ટાઇમ્સ ઓફ ઈન્ડિયા'નું કાર્ટૂન શેર કરીને વડાપ્રધાન નરેન્દ્ર મોદી પર નિશાન સાધ્યું છે. વરિષ્ઠ એડવોકેટે લખ્યું કે, ગ્લોબલ હંગર ઈન્ડેક્સમાં ભારત બાંગ્લાદેશ અને પાકિસ્તાનથી પણ પાછળ, બાંગ્લાદેશનું માથાદીઠ આવક ઘરેલું ઉત્પાદન ભારત કરતા વધારે હોવાના સમાચાર પછી હવે આ અહેવાલ... ખૂબ સરસ મોદીજી!
આ સાથે જ કોંગ્રેસના પૂર્વ અધ્યક્ષ રાહુલ ગાંધીએ પણ સરકાર પર નિશાન સાધ્યું છે. આ વૈશ્વિક સૂચકાંકની મદદથી રાહુલ ગાંધીએ સરકાર પર તેમના કેટલાક ખાસ 'મિત્રો' ના ખિસ્સા ભરવાનો આરોપ લગાવ્યો છે. રાહુલ ગાંધીએ શનિવારે પોતાના ટ્વિટમાં લખ્યું, "ભારતના ગરીબ ભૂખ્યા છે કારણ કે સરકાર ફક્ત તેમના કેટલાક ખાસ 'મિત્રો'ના ખિસ્સા ભરી રહી છે."
ગ્લોબલ હંગર ઈન્ડેક્સ 2019 ના અહેવાલમાં, ચીન 25મા ક્રમે, પાકિસ્તાન 94માં, બાંગ્લાદેશ 88માં, નેપાળ 73મા, મ્યાનમાર 69મા અને શ્રીલંકા 66માં સ્થાને હતું.