શિલ્પા શેટ્ટી લગભગ 13 વર્ષ પછી મોટા પડદે પરત ફરવા જઈ રહી છે. તે પ્રિયદર્શનની ફિલ્મ હંગામા 2થી કમબેક કરી રહી છે.
ફિલ્મમાં પરેશ રાવલ કરશે ખૂબ મનોરંજન
ફિલ્મમાં અક્ષય ખન્ના કેમિયો કરતાં જોવા મળશે
હંગામા 2 દ્વારા શિલ્પા શેટ્ટીનું મોટા પડદે કમબેક
શિલ્પા શેટ્ટીના ફેન્સ આતુરતાથી ફિલ્મ હંગામા 2ની રાહ જોઈ રહ્યા છે. આ ફિલ્મ ઓટીટી પ્લેટફોર્મ પર રિલીઝ થવા જઈ રહી છે. મનોરંજનથી ભરેલી આ ફિલ્મમાં પરેશ રાવલ, મીઝાન જાફરી, આશુતોષ રાણા, રાજપાલ યાદવ અને પ્રણિતા સુભાષ શિલ્પાની સાથે મહત્વપૂર્ણ ભૂમિકામાં જોવા મળશે. આ કોમેડી ફિલ્મનું ટ્રેલર રિલીઝ થઈ ગયું છે.
ફિલ્મમાં પરેશ રાવલ કરશે ખૂબ મનોરંજન
ત્રણ મિનિટના ટ્રેલરની શરૂઆતમાં પ્રણિતા સુભાષ એક બાળકીને તેની સાથે લાવતા જોવા મળે છે. પ્રણિતા મીઝાનના ઘરે જઇને આશુતોષ રાણાને કહે છે કે કોલેજમાં તે અને મીઝાન પ્રેમી હતા અને બાળક તે બન્નેનું છે. ત્યારબાદ વકીલ એટલે કે પરેશ રાવલની એન્ટ્રી સાથે ફિલ્મમાં કોમેડી શરૂ થાય છે. ફિલ્મમાં શિલ્પા શેટ્ટી પરેશ રાવલની પત્નીની ભૂમિકામાં નજરે પડે છે. પરેશ રાવલને કન્ફ્યુઝન થઈ જાય છે કે મીઝાન તેની પત્ની શિલ્પાનો પ્રેમી છે. પરેશ રાવલનું આ કન્ફ્યુઝન જોઈને હસી હસીને તમારું પેટ દુખી જશે. હવે આ કન્ફ્યુઝન કેવી રીતે દૂર થાય છે તે માટે તમારે ફિલ્મની રાહ જોવી પડશે.
ફિલ્મમાં અક્ષય ખન્ના કરશે કેમિયો
આ ફિલ્મ હંગામા ફ્રેન્ચાઇઝીની બીજી ફિલ્મ છે. અક્ષય ખન્ના, પરેશ રાવલ, આફતાબ શિવદાસાની, રિમિ સેન હુંગામા ફિલ્મની મુખ્ય ભૂમિકામાં જોવા મળ્યા હતા જે વર્ષ 2003માં રિલિઝ થઈ હતી. હંગામા 2 સિનેમાઘરોમાં નહીં પણ ઓટીટી પ્લેટફોર્મ પર રિલીઝ થવા જઈ રહી છે. આ ફિલ્મ 23 જુલાઈએ ડિઝની પ્લસ હોટસ્ટાર પર રિલીઝ થવાની છે. ફેંસ આ ફિલ્મની આતુરતાથી રાહ જોઇ રહ્યા છે. હંગામા 2 ફિલ્મ પ્રિયદર્શને ડાયરેક્ટ કરી છે. અક્ષય ખન્ના આ ફિલ્મમાં કેમિયો કરતા જોવા મળશે.
— SHILPA SHETTY KUNDRA (@TheShilpaShetty) June 30, 2021
શિલ્પા શેટ્ટીનું મોટા પડદે કમબેક
શિલ્પા શેટ્ટી હંગામા 2 ફિલ્મથી 13 વર્ષ પછી ફિલ્મોમાં પરત ફરવા જઈ રહી છે. તે છેલ્લે 2007માં આવેલી ફિલ્મ 'અપને'માં જોવા મળી હતી. ત્યારબાદ શિલ્પા હવે મોટા પડદે પરત ફરવા જઈ રહી છે. જોકે તે નાના પડદા પર ડાન્સ રિયાલિટી શોમાં જજ તરીકે જોવા મળે છે.