અમેરિકામાં જ્યોર્જ ફ્લોઈડના મોત બાદથી શરુ થયેલા પ્રદર્શને દુનિયાભરનું ધ્યાન ખેંચ્યું છે. અમેરિકામાં અશ્વેત નાગરિકો સાથે કરવામાં આવતા વર્તન પર શરુ થયેલ આંદોલને હિંસક સ્વરૂપ પણ લીધું. અમેરિકામાં પોલીસ વિરુદ્ધ થયેલા આંદોલનમાં ઠેરઠેર તોડફોડ અને પથ્થરબાજીની ઘટનાઓ સામે આવી, કર્ફ્યું હોવા છતાં હજારોની સંખ્યામાં લોકો રસ્તા પર ઉતરી આવ્યા અને લૂંટફાટ પણ કરી. ત્યારે અમેરિકાથી પ્રદર્શનનો એક એવો વીડિયો સામે આવ્યો છે જેને જોઇને તમારા રૂવાંડા ઉભા થઇ જશે.
જ્યોર્જની અંતિમ મુદ્રામાં જ લોકોએ કર્યું પ્રદર્શન
જ્યોર્જ ફ્લોઈડના અંતિમ શબ્દો પણ ઉચ્ચારવામાં આવ્યા
સોશિયલ મીડિયામાં વાયરલ થયો વીડિયો
બ્લેક લાઈવ્સ મેટરના નેજા હેઠળ થઇ રહેલ અંદોલનના ઘણા વીડિયો દુનિયાભરમાં વાયરલ થઇ રહ્યા છે જેમાં હિંસક પ્રદર્શન અને લૂંટફાટ તથા ઘણી જગ્યાએ પોલીસ દ્વારા કરવામાં આવી રહેલ કાર્યવાહીના વીડિયો સામે આવી રહ્યા છે ત્યારે જ્યોર્જ ફ્લોઈડને ન્યાય અપાવવા કરવામાં આવી રહેલ પ્રદર્શનનો એક એવો વીડિયો સામે આવ્યો છે જેને જોઇને તમારા રૂવાંડા ઉભા થઇ જશે.
કઈ રીતે થયું પ્રદર્શન
અમેરિકાનાં હોમવૂડમાં જ્યોર્જ ફ્લોઈડની મોત પર શાંતિપૂર્ણ વિરોધ કરવામાં આવ્યો. જેમાં સેન્ટ્રલ પાર્કની અંદર હજારોની સંખ્યામાં પ્રદર્શન કરી રહેલા લોકો જ્યોર્જની માફક જ સુઈ ગયા અને આયોજકો દ્વારા જ્યોર્જ ફ્લોઈડના અંતિમ શબ્દો ઉચ્ચારવામાં આવ્યા.
A powerful moment of protest in Homewood. An organizer shouts George Floyd’s last words while hundred lay on the ground for over 8 minutes. pic.twitter.com/6WhlhR8nJM
જ્યોર્જે પણ આ જ રીતે પોલીસ ઓફિસરથી કરી હતી કાકલુદી
નોંધનીય છે કે જ્યોર્જ ફ્લોઈડની મૃત્યુ પણ આ જ રીતે થઇ હતી. પોલીસકર્મીએ જ્યોર્જને રસ્તા પર જ ઉંધો સુવાડી દીધો અને પછી તેના ગળા પર ઘૂંટણ મૂકીને દબાણ કર્યું. થોડીક મિનીટો બાદ જ્યોર્જનો શ્વાસ રૂંધાવા લાગ્યો, જ્યોર્જે ઘણીવાર કહ્યું કે 'I can't breathe' એટલે કે હું શ્વાસ નથી લઇ શકતો. જ્યોર્જ તે ઓફિસરને પગ હટાવવા માટે કાકલુદી કરતો રહ્યો છતાં તે પોલીસકર્મી ન માન્યો અને અંતે જ્યોર્જનું ઘટનાસ્થળે જ મોત નીપજ્યું. જે બાદ આખા અમેરિકામાં રમખાણો ફાટી નીકળ્યા.
અહીં પણ પ્રદર્શન કરી રહેલા લોકો જ્યોર્જની જ મુદ્રામાં આવી ગયા અને તે બાદ જ્યોર્જના અંતિમ શબ્દો સાંભળતા જ ઘણા લોકો તો ભાવુક પણ થઇ ગયા.માહિતી અનુસાર આ રીતે પ્રદર્શન કરી રહેલા લોકોમાંથી પણ કેટલાકની ધરપકડ કરવામાં આવી હતી. આ વીડિયો હાલમાં ખૂબ વાયરલ થઇ રહ્યો છે.
થોડા દિવસ પહેલા પોલીસ જવાનોની તસવીર પણ થઇ હતી વાયરલ
થોડા દિવસો પહેલા અમેરિકાની પોલીસની પણ તસવીરો ખૂબ વાયરલ થઇ હતી જેના દુનિયાભરમાં વખાણ કરવામાં આવ્યા હતા. અમેરિકામાં તોડફોડ અને હિંસા કરી રહેલી ભીડ સામે પોલીસ ઘૂંટણીએ બેસીને લોકોથી માફી માંગતા હોય તેવી તસવીરો સામે આવી હતી. ચોંકાવનારી બાબત એ છે કે પોલીસના આ વલણથી હિંસક ટોળામાંથી ઘણા લોકો ભાવુક થઇ ગયા અને હિંસા રોકાઈ ગઈ. ઘણા લોકોએ પોલીસ જવાનો સાથે હાથ મિલાવ્યા, આ વીડિયો અમેરિકામાં એટલો વાયરલ થયો કે તે બાદ ઘણી બધી જગ્યાએ પોલીસે આ જ પ્રકારે માફી માંગી તથા કેટલીક જગ્યાઓ પર ટોળાએ પણ ઘૂંટણીએ બેસીને જ વિરોધ કર્યો હતો.
Miami Police just apologised in front of the Protestors for Police Brutality. All violence stopped and people hugged the cops. That’s how you win confidence and hearts pic.twitter.com/YulfYbGb4F