અમેરિકાના ન્યાય ડીપાર્ટમેન્ટે મિશિગન શાખાએ ભારતીય મૂળના આઠ વ્યક્તિઓની ધરપકડનો આદેશ આપ્યો છે. એક મળતાં અહેવાલ મુજબ આ બધા વિદ્યાર્થીઓ ક્યાં તો ભારતીય છે અથવા ભારતીય મૂળના અમેરિકાના નાગરિક છે.
આ દરેક વિદ્યાર્થીઓએ અમેરિકાના એજન્ટ તરફથી ચલાવામાં આવી રહેલી ફેક યૂનિવર્સિટીમાં એડમિશન લીધુ હતુ. આ દરેકને વીઝામાં છેતરપીંડી તેમજ ફાયદા માટે અજાણ્યા લોકોને દેશમાં લાવવાના આરોપ હેઠળ ધરપકડ કરવામાં આવ્યાં છે.
આ બધાને અપરાધિક આરોપના આધાર પર ધરપકડ કરવામાં આવે છે. છ વિદ્યાર્થીઓ તેલંગાણા અને આંધ્ર પ્રદેશના હોવાનું સામે આવ્યું છે.
અમેરિકામાં સ્ટૂડન્ટસ વીઝાનો ખોટો પ્રયોગ કરનારા રેકેટની વિરુધ્ધ ચલાવામાં આવી રહેલા અભિયાન હેઠળ આ બધા લોકોની ધરપકડ કરવામાં આવી છે.
આ વિઝા દ્વારા ખોટા વિદેશીઓને અમેરિકામાં કામ માટે લાવવામાં આવતા અને ત્યારબાદ ત્યાં રોકાઇ જતા હતા. મિશિગન રાજ્યના ફાર્મિંગટન યૂનિવર્સિટીમાં ઘણા વિદ્યાર્થીઓએ એડમિશન લીધુ હતું.
આ વિદ્યાર્થીઓને પણ હોમલેન્ડ સિક્યોરિટીઝ અને ઇમીગ્રેશન એન્ડ કસ્ટમ્સ એનફોર્સમેન્ટના એજન્ટસની ધરપકડ કરી લીધી છે. જે વિદ્યાર્થીઓની ધરપકડ કરવામાં આવી છે તે અંદાજે 200 છે.
સૂત્રોને મળતી જાણકારી મુજબ અંદાજે 600 વિદ્યાર્થીઓએ આ યૂનિવર્સિટીમાં એડમિશન લીધુ હતુ. પરંતુ કેટલાક વિદ્યાર્થીઓને ચેતવણી પણ આપવામાં આવી હતી. આ બધા 600 વિદ્યાર્થીઓની પ્રત્યાર્પણ યાદીમાં રાખવામાં આવી.