મિશન સૂર્ય: નાસાના મિશનમાં પ્રથમવાર સામાન્ય લોકોને ભાગ લેવા આમંત્રણ

અમેરિકા ભારત રશિયા ચાઈના દ્વારા અંતરિક્ષમાં અનેક મિશનો પાર પાડવામાં આવ્યા છે ત્યારે હવે નાસા દ્વારા સૂર્યની નજીક પહોંચવાનું મિશન હાથ ધરાયું છે. નાસા દ્વારા પાર્કર સોલર પ્રોબ મિશનની તૈયારી છેલ્લા તબક્કામાં છે. આ મિશનનું લોન્ચિંગ 31 જુલાઈના રોજ કરાશે.

US એરફોર્સના સ્પેસક્રાફ્ટે ફ્લોરિડા માટે ઉડાન ભરી છે ત્યાં ટેસ્ટીંગ કરવામાં આવશે. આપને જણાવી દઇએ કે પાર્કર સોલર પ્રોબ માનવ ઈતિહાસ સૂર્યની તરફ પહેલું મિશન છે. લોન્ચિંગ પછી તરત તે સુર્યના વાતાવરણની કક્ષામાં પ્રવેશી જશે જેને કોરોના કહેવામાં આવે છે. આ યાન એવા વિસ્તારમાં જશે જે જગ્યા આ પહેલા કોઈએ જોઈ નથી. જેને માણસો પહેલા કદી નથી ઉકેલી શક્યા તે મિશનને 6 દશકા પછી ઉકેલાવવાની શક્યતા છે. અને આ મિશન પાર પડશે તો સૌથી મોટી સફળતા કહેવાશે.

આ યાનનું નામ પ્રખ્યાત ખગોળશાસ્ત્રી યુજીન પાર્કરના નામ પરથી આપવામાં આવ્યું છે. 90 વર્ષના પાર્કરે 1958માં પહેલીવાર આ નિવેદન કર્યું છે કે અંતરિક્ષમાં સુર્ય તોફાન પણ છે. સૂત્રના જણાવ્યા મુજબ આ યાન પહેલા શુક્ર ગ્રહ આસપાસ ફરશે અને બાદમાં સૂર્યની તરફ આગળ વધશે. આ દરમિયાન મંગળની કક્ષામાં પ્રવેશ કરશે.

ઉલ્લેખનીય છે કે આ પહેલા સૂર્યની નજીક કોઈ સ્પેસ કે કોઈ આવિષ્કારને મોકલવામાં આવ્યું નથી. ત્યારે નાસાએ આ પડકારને પાર પાડવા મહેનત કરી રહ્યા છે અને અનેક સવાલોના જવાબ શોધવા તરફ આગળ વધી રહ્યા છે. નાસાએ આ મિશનમાં સામાન્ય લોકોને પણ આમંત્રિત કર્યા છે

. આ મિશનમાં ભાગ લેવાની ઈચ્છા ધરાવતા લોકોનું રજિસ્ટ્રેશન કરવામાં આવશે અને તે પ્રક્રિયા પૂરી થયા પછી તેમને સર્ટીફકેટ આપવામાં આવશે અને બાદમાં ડ્રો મારફતે તેમના નામ સિલેક્ટ કરવામાં આવશે અને બાદમાં તે લોકો આ મિશનના ભાગીદાર બનશે. આમ નાસા હાલ આ મિશનને લઈને ખુબ જ મહેનત કરી રહ્યા છે.