કોરોના વાયરસ / અમેરિકાથી ખુશખબર બાદ હવે આ દેશમાં મનુષ્યો પર કરેલા પ્રથમ ટ્રાયલમાં જ પાસ થઇ કોરોનાની વેક્સિન

• વિશ્વભરમાં કોરોનાનો હાહાકાર
• બ્રિટનમાં મનુષ્યો પરના પ્રથમ ટ્રાયલમાં જ પાસ થઇ કોરોનાની વેક્સિન
• મોડર્ના ઈંકની વેક્સિન MRNA-1273ને પણ પોતાના પ્રથમ ટ્રાયલમાં સફળતા મળી

ઑક્સફર્ડના વૈજ્ઞાનિક ન માત્ર વેક્સિન ChAdOx1 nCoV-19 (હવે AZD1222)ની તમામ રીતે સફળ થવાને લઇને ખાતરી છે પરંતુ તેમને 80% વિશ્વાસ છે કે સપ્ટેમ્બર સુધીમાં વેક્સિન તૈયાર થઇ જશે. ઑક્સફર્ડની વેક્સિનનું ઉત્પાદન AstraZeneca કરશે.

વૉલંટિઅર્સમાં જોવા મળી ઇમ્યૂનિટી

ઑક્સફર્ડના ટ્રાયલના પરિણામોની સત્તાવાર જાહેરાત હજુ સુધી નથી થઇ અને તેમના ગુરૂવારે ધ લેન્સેટમાં છપાવાની આશા છે. આનું ટ્રાયલ 15 વૉલંટિઅર્સ પર કરવામાં આવ્યું હતું અને આવનાર સપ્તાહરમાં અંદાજિત 200-300 વધુ વૉલંટિઅર્સ પર આનું ટ્રાયલ કરવામાં આવશે. 

દાવો કરવામાં આવ્યો છે કે ઑક્સફર્ડના ટ્રાયલમાં જે લોકોને વેક્સિન આપવામાં આવી હતી તેમાં એન્ટીબોડી અને વાઇટ બ્લડ સેલ્સ વિકસિત થતા જણાયા છે જેમની મદદથી વાયરસનું ઇન્ફેક્શન થવા પર તેમના શરીર પ્રતિરોધક ક્ષમતાની સાથે તૈયાર થઇ શકે છે.

સફળ થયા ટેસ્ટો હજારો પર ટ્રાયલ 

ખાસ વાત એ છે કે એમૂમન વેક્સિન દ્વારા એન્ટિબોડી પેદા થવા પર ધ્યાન આપવામાં આવે છે પરંતુ ઑક્સફર્ડની વેક્સિનમાં એન્ટિબોડીની સાથોસાથ વાઇટ બ્લડસેલ પણ પેદા થઇ રહ્યા છે. શરૂઆતી ટ્રાયલ્સમાં વગર કોઈ નુકસાને સફળ થવા પર હજારોની સંખ્યામાં લોકો પર આનો ટેસ્ટ કરવા તરફ આગળ વધી શકાશે. આ વેક્સિનના ટ્રાયલમાં બ્રિટનમાં 8 હજાર અને બ્રાઝિલ અને દક્ષિણ આફ્રીકામાં 6 હજાર લોકો સામેલ છે. ઑક્સફર્ડની વેક્સિનનું બ્રિટેનમાં સૌથી પહેલા માણસ પર ટ્રાયલ કરવામાં આવ્યું હતું.

અમેરિકાની મોડર્નાની વેક્સિન પણ સફળ

વિશ્વભરમાં કોરોનાનો હાહાકાર છે ત્યારે વેક્સિનને લઈ વધુ એક મોટી સફળતા મળી છે. અમેરિકાની કંપની મોડર્ના ઈંકની વેક્સિન MRNA-1273એ પોતાના પ્રથમ ટ્રાયલમાં સફળતા મેળવી છે. જેને લઈ રાષ્ટ્રપતિ ટ્રમ્પ ટ્વિટ કરીને ખુશી વ્યક્ત કરી હતી. ટ્રમ્પે કહ્યું કે વેક્સિન પર ખુબ જ સારા સમાચાર છે. મોડર્નાના પ્રથમ ટ્રાયલમાં એવા 45 લોકોને સામેલ કરવામાં આવ્યા હતા જે સ્વસ્થ હતા અને તેમની ઉંમર 18થી 55 વર્ષની વચ્ચે હતી. આનું પરિણામ સફળ થયું. મોડર્ના હવે વેક્સિનના લેટ સ્ટેજ ટ્રાયલની તૈયારી કરી રહ્યું છે. કંપનીના કહેવા મુજબ 27 જુલાઈની આસપાસ આ ટ્રાયલ શરૂ કરવામાં આવશે. મોડર્નાએ કહ્યું કે અમેરિકાના 87 સ્ટડી લોકેશન પર આ વેક્સિનના ટ્રાયલનું આયોજન કરવામાં આવ્યું છે. માનવામાં આવી રહ્યું છે કે ત્રીજા તબક્કાનું ટ્રાયલ સફળ થયા બાદ કંપની કોઈ મોટી જાહેરાત કરી શકે છે. મોડર્ના 100 મિલિયન ડૉજ બનાવવા પ્રયાસમાં છે.