ટેક્નોલોજી / નહીં પડે સ્માર્ટ ફોન-કમ્પ્યૂટર જેવાં માધ્યમની જરૂર, ઈન્ટરનેટ સાથે જોડાશે માણસનું મગજ

વિજ્ઞાનીઓએ દાવો કર્યો છે કે ભવિષ્યમાં આપણું મગજ વિશાળ ક્લાઉડ નેટવર્ક સાથે સીધું જોડાઇ જશે. તેનો અર્થ એ છે કે આપણે વિચારવા માત્રથી ઇન્ટરનેટમાં રહેલી તમામ જાણકારીઓ સુધી પહોંચી જઇશું, જેના સુધી આપણે પહોંચવા ઇચ્છીએ છીએ. વચ્ચે કોઇ માધ્યમની જરૂર નહીં પડે. આ બિલકુલ હોલિવૂડ ફિલ્મ 'મેટ્રિક્સ'ની જેમ હશે.

એક સંશોધન અનુસાર નેનો ટેક્નોલોજી, નેનો મેડિસિન, આર્ટીફિશિયલ ઇન્ટેલિજન્સ વગેરે ટેકનિક આ સદીમાં માણસ મગજ, ક્લાઉડ ઇન્ટરફેસનો વિકાસ કરશે. ભવિષ્યવાદી લેખક અને સંશોધક રે કુર્જવિલે સૌથી પહેલા બી/સીઆઇ કોન્સેપ્ટનો પ્રસ્તાવ આપ્યો હતો. તેમણે કહ્યું હતું કે ન્યૂરલ નેનો રોબોટને મગજના નિયો કાર્ટેક્સ સાથે જોડીને સીધું ક્લાઉડ નેટવર્કિંગ સાથે જોડી શકાય છે. 

અમેરિકાના બર્કલેમાં કેલિફોર્નિયા યુનિવર્સિટી અને ઇન્સ્ટિટ્યૂટ ફોર મોનિક્યુલર મેન્યુફેક્ચરિંગના સંશોધકોએ જણાવ્યું કે નિયો કાર્ટેક્સ આપણા મગજનો સૌથી સચેત ભાગ છે. 

આ સંશોધનના પ્રમુખ લેખક રોબર્ટ ફ્રિટાફનું કહેવું છે કે ન્યૂરલ નેનો રોબોટ મગજ કોશિકાઓને નિયંત્રિત કરીને તેને મોનિટર કરશે. ત્યાર બાદ તે સિગ્નલ પ્રસારિત કરશે અને ક્લાઉડ નેટવર્ક પર સુપર કમ્પ્યૂટરથી પોતાના મતલબની તમામ જાણકારી હોલિવૂડ ફિલ્મ 'મેટ્રિક્સ'ની જેમ અપલોડ કરીને આપણી સામે મૂકશે.

આ ટેકનિકના માધ્યમથી ભવિષ્યમાં ગ્લોબલ સુપર બ્રેઇન પણ બનાવી શકાશે. તેના માધ્યમથી મનુષ્યના મગજ અને એઆઇનું નેટવર્ક બનાવીને સામૂહિક વિચારોની પણ જાણ થશે.