પ્રતિક્રિયા / રિયાને જામીન મળતા બધાં પર ભડકી આ અભિનેત્રી, કહ્યું-શરમ કરો, એક છોકરીનું જીવન બરબાદ કરી નાખ્યું, રિયાથી...

• રિયાને જામીન મળ્યા ઘણાં બોલિવૂડ સેલેબ્સ થયા ખુશ
• સોશિયલ મીડિયા પર રિયાને સપોર્ટ કરતાં મેસેજ જોવા મળ્યા
• તો એક અભિનેત્રીએ રિયાને બદનામ કરનાર લોકોને આડે હાથ લીધા

અભિનેત્રી હુમા કુરેશી ખૂબ ગુસ્સે જોવા મળી રહી છે. તે ઇચ્છે છે કે હવે દરેકે રિયાની માફી માંગી જોઈએ. તેના કહેવા મુજબ, સુશાંત કેસમાં જેમણે મર્ડર થિયરીને હવા આપી હતી, તે બધાં સામે કાર્યવાહી થવી જોઈએ. તેણે ટ્વિટ કરીને લખ્યું- દરેકને રિયાથી માફી માંગવી જોઈએ. એ વાતની તપાસ થવી જોઈએ કે કયા લોકોએ મર્ડર થિયરી ફેલાવી હતી. શરમ આવવી જોઈએ કે એક છોકરી અને તેના પરિવારની લાઈફ માત્ર પોતાનો એજન્ડા પૂરો કરવા માટે બરબાદ કરી દીધી. હુમાની આ ટ્વિટ ખૂબ જ વાયરલ થઈ રહી છે. 

Everyone owes #RheaChakraborty an apology .. And there must be an investigation into people who started these murder conspiracy theories .. Shame on you for destroying a girl and her family’s life for your agendas @Tweet2Rhea

— Huma S Qureshi (@humasqureshi) October 7, 2020

હવે સ્વાભાવિક છે કે સુશાંતના ફેન્સ આ સમયે હુમાને ટ્રોલ કરી રહ્યા છે. પરંતુ હવે એક સમૂહ એવો પણ છે જે ન માત્ર રિયાને નિર્દોષ માની રહ્યો છે પરંતુ તેને પીડિત તરીકે પણ વર્ણવી રહ્યો છે. કોર્ટના નિર્ણય બાદ આ બદલાવ જોવા મળી રહ્યો છે. કોર્ટે કહ્યું છે કે રિયા કોઈ ડ્રગ સિન્ડિકેટનો ભાગ નહોતી. રિયા પર આ જ આરોપ હતો અને આવી સ્થિતિમાં આમાંથી છૂટકારો મેળવવો મોટી વાત છે.

અભિનેતા શેખર સુમન છે નારાજ

હુમા સિવાય તાપસી પન્નુ, અનુભવ સિન્હા જેવા સ્ટાર્સે પણ રિયાને જામીન મળતા ખુશી વ્યક્ત કરી હતી. બધાંએ કોર્ટના નિર્ણયને આવકાર્યો હતો અને તેને ન્યાયતંત્રમાં વિશ્વાસ વધારનાર ગણાવ્યો હતો. પરંતુ બીજી તરફ અભિનેતા શેખર સુમન આ નિર્ણય બાદ સોશિયલ મીડિયા પર ગુસ્સો વ્યક્ત કર્યો છે. તેમણે પહેલાં ટ્વિટ કરીને કહ્યું કે સુશાંતને ન્યાય અપાવવા માટે અશાંત રહેવું જરૂરી છે, પરંતુ બાદમાં તેમણે ટ્વિટ કર્યું કે હવે બધું સમાપ્ત થઈ ગયું છે. આવી સ્થિતિમાં શેખર પણ આશા ગુમાવતા જોવા મળી રહ્યાં છે.