ખતરાની ઘંટી / અંદાજ કરતાં વધુ ઝડપે ફેલાઈ રહ્યો છે કોરોના! 24 જ કલાકમાં 11 હજારથી વધુ કેસ, એક્ટિવ કેસનો આંક પણ ચિંતાજનક

• કોરોનાના વધતા જતા કેસોએ ચિંતાનો વિષય બન્યો
• આજે કોરોનાના 11 હજાર 109 નવા કેસ નોંધાયા
• સક્રિય કેસની સંખ્યા 49 હજારને વટાવી ગઈ

દેશભરમાં કોરોનાના વધતા જતા કેસોએ સરકારથી લઈને લોકોમાં ચિંતાનો વિષય બન્યો છે. જણાવી દઈએ કે આજે શુક્રવારે એટલે કે 14 એપ્રિલ કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડા અનુસાર, દેશમાં કોરોનાના 11 હજાર 109 નવા કેસ નોંધાયા છે. 

આ આંકડાની સાથે જ દેશમાં કોરોનાના સક્રિય કેસની સંખ્યા 49 હજારને વટાવી ગઈ છે. જ્યારે 4,42,16,583 લોકો કોરોના સંક્રમણમાંથી સાજા થયા છે. અત્યાર સુધી કોરોનાને કારણે 5,31,064 લોકો મૃત્યુ પામ્યા છે.હાલ કોવિડ-19 રિકવરી રેટ 98.71 ટકા હતો જ્યારે મૃત્યુ દર 1.19 ટકા નોંધાયો હતો. 

આ સતત પાંચમો દિવસ છે જ્યારે COVID-19 કેસમાં વધારો નોંધાયો હતો. કોરોનાવાયરસ સંક્રમણની ઝડપી ગતિનો અંદાજ એ પરથી લગાવી શકાય છે કે એક દિવસ પહેલા એટલે કે 13 એપ્રિલના રોજ જાહેર કરાયેલા આંકડાઓમાં 1,000 નવા કેસ ઉમેરવામાં આવ્યા છે. કેન્દ્રીય સ્વાસ્થ્ય મંત્રાલય દ્વારા 13 એપ્રિલે જાહેર કરવામાં આવેલા આંકડા અનુસાર ભારતમાં કોરોનાના 10,158 નવા કેસ નોંધાયા છે. કોરોનાના કેસોમાં ઝડપી ઉછાળો જોવા મળ્યો છે. આના એક દિવસ પહેલા એટલે કે 12 એપ્રિલે દેશમાં કુલ 7,830 કેસ નોંધાયા હતા.