ઉત્તરાયણ / પતંગ દોરી ખરીદવા પડાપડી, મહાનગરોમાં છેલ્લી ઘડીની ખરીદી માટે બજારોમાં જામી ભીડ, પતંગ રસિયા ઉત્સુક

• ઉત્તરાયણની છેલ્લી ઘડીએ ખરીદી કરવા લોકોની ભારે ભીડ
• શહેરોમાં પતંગ અને દોરાની લોકો ખરીદી કરી રહ્યા છે 
• ઉતરાયણના પર્વને ઉજવવા પતંગ રસિકો તતપર

ગુજરાતના તમામ શહેર અને જિલ્લાઓમાં ઉતરાયણના તહેવારને લઈ છલ્લી ઘડીએ ખરીદીનો રંગ જામ્યો છે. લોકો પતંગના પેચ લડાવવા માટ પતંગ-દોરી સહિતની વસ્તુંઓની ધમાકેદાર ખરીદી કરી રહ્યાં છે. રાજ્યના વિવિધ શહેરોમાં ઉત્તરાયણને લઈ છેલ્લી ઘડીએ ખરીદી કરવા માનવ મહેરામણ ઉમઠ્યું છે.

અમદાવાદની બજારમાં જામી ભીડ 
ઉત્તરાયણને ગણતરીના કલાકો બાકી છે ત્યારે ખરીદી માટે હોડ લાગી છે. દુકાનોમાં પતંગ-દોરીની ખરીદીની માહોલ જામ્યો છે. કોવિડ બાદ આ વખતે ઉત્તરાયણમાં શહેરીજનોમાં ભારે ઉત્સાહ જોવા મળી રહ્યો છે. પતંગ બજારમાં પતંગ રસિયાઓ મન મુકીને ખરીદી કરતા જોવા મળ્યાં છે. કોવિડના બે વર્ષ બાદ પતંગરસિકોઓ મન મુકવીને પતંગના પેચ લડાવાના મૂડમાં છે. 

વડોદરામાં ઉત્તરાયણી છેલ્લી ઘડીએ ખરીદી
આવતીકાલે ઉત્તરાયણનું પર્વ છે જેને લઈ વડોદરાની બજારમાં પણ ખરીદી માટે ભારે ભીડ જોવા મળી છે. તહેવારના છેલ્લા કલાકો બાકી છે ત્યારે ખરીદી માટે લોકો ઉમટ્યા છે. શહેરના ના ચોખંડી, ગેડી ગેટ ,રાવપુરામાં ખરીદી માટે લોકો ઉમટ્યાં છે. લોકો ઉત્સાહભેર પતંગ અને દોરી અને ચશ્માની ખરીદી કરી રહ્યાં છે. લોકો મોઘવારીને ભુલી મને મુકીને ખરીદી કરતા નજરે ચડ્યાં છે.

સુરતમાં લોકો ધૂમ ખરીદી કરી રહ્યા છે
સુરતની પતંગ બજારમાં લોકોની ભીડ જોવા મળી છે. અત્યારે પતંગ બજારમાં પતંગરસિયામાં ભારે ઉત્સાહ જોવા મળી રહ્યો છે. પતંગસ્ટોલો પર લોકોની ભારે ભીડ જામી છે. ઉત્તરાયણના પર્વને ઉજવવા પતંગ રસિકો તતપર થયાં છે