કહેવાય છે કે દુનિયામાં પતિ અને પત્નીના સબંધ એ ખુબજ સુંદર અને મજબૂત હોય છે, પણ જયારે આ સબંધ બગડે ત્યારે કાચા મન માં માનવી કઈ પણ કરી જાય છે,
મધ્યપ્રદેશના શ્રમજીવી પતિએ જ કરી પત્નીની હત્યા
વીરપુર પોલીસે આરોપી પતિ રામસિંહની કરી ધરપકડ
દારૂના નશામાં પત્ની સાથે ઝઘડો થતા હત્યાને આપ્યો અંજામ
કહેવાય છે કે દુનિયામાં પતિ અને પત્નીના સબંધ એ ખુબજ સુંદર અને મજબૂત હોય છે, પણ જયારે આ સબંધ બગડે ત્યારે કાચા મન માં માનવી કઈ પણ કરી જાય છે, આવીજ એક ઘટના બની રાજકોટ જિલ્લાના વીરપુર તાલુકાના મેવાસા ગામમાં કે જ્યાં કે પતિ એ નાની એવી વાત માં પોતાની પત્ની ની હત્યા કરી નાખી શું છે આ ઘટના જોઈ એ
બે દિવસ પહેલા રાજકોટ જિલ્લાના મેવાસા ગામમાં એક એ હત્યાની ઘટનાની ફરિયાદ નોંધાઈ હતી જે મુજબ મેવાસા ગામના ભીખુભાઇ ચુનિભાઈ ત્રાપસિયા ખેડૂતની વાડીમાં 15 દિવસ પહેલા મધ્યપ્રદેશના ખેત મજુર પતિ રામસિંહ અને પત્નિ સોમારી આવ્યા હતા અને ખેત મજૂરી ચાલુ કર્યું હતું આ જ આદિવાસી મજુરે રામસિંહ તેની પત્ની સોમારી ની બોથડ પદાર્થ મારી ને હત્યા કરી નાખી છે તેવી ફરિયાદ વાડી માલિક ભીખુભાઇ દ્વારા વીરપુર પોલીસ માં નોંધાવી હતી, અને આ બાબતે વીરપુર પોલીસે તાપસ શરૂ કરી ને હત્યારા પતિ ની ઘરપક્કડ કરી ને વધુ તપાસ હાથ ધરી હતી
શુ હતી ઘટના, શુ ફરિયાદ નોંધાઈ
બે દિવસ પહેલા મેવાસાના રહેવાસી ભીખુભાઇ ત્રાપાસિયા સવારે પોતાની વાડીએ ગયા ત્યારે તેનો મજૂર જે જગ્યા એ ધાણા વાવેલ ત્યાં ઉભો હતો અને ધાણા માં તેની પત્ની પડી હતી આ સમગ્ર ચિત્ર જોયને ભીખુભાઇ એ તેના મજૂર રામસિંહને પૂછ્યું શુ થયું છે તારી પત્નીને ત્યારે રામસિંહ આખી કહાણી કહી હતી, અને જેમાં રામસિંહ કહ્યું કે મેં મારી ઘરવાળી ને મારી નાખી છે
શા માટે એક પતિ એ તેની પત્ની ની હત્યા કરી
વીરપુર તાલુકાના મેવાસા ગામના એક પટેલ ખેડૂત ખાતેદાર ભીખુભાઇ ત્રાપાસિયાની વાડીમાં મધ્ય પ્રદેશથી રામસિંહ અને તેની પત્ની સોમારી અહીં ખેત મજૂરી કરવા આવ્યા હતા, અને 15 દિવસ થયા અહીં રહીને કામ કરતા હતા બે દિવસ પહેલા રાત્રે રામસિંહની પત્ની ખૂબ દારૂ પી ગઈ હતી અને નશામાં ચૂર હતી આ સમયે રામસિંહએ પત્નીને જમવાનું બનાવવાનું કહ્યું ત્યારે નશામાં ચૂર સોમારીએ રસોઈ બનાવવાની ના કહી અને ભૂખ લાગી હોય તો હાથે બનાવી લે આ રકઝક એટલી વધી કે રામસિંહને એટલો ગુસ્સો આવ્યો કે તેણે ગુસ્સામાં ને ગુસ્સામાં હાથાપાઈ કરી નાંખી અને રામસિંહે વાડીમાં પડેલ લાકડાના હાથા વડે પત્ની સોમારીને મારવાનું ચાલુ કર્યું જેમાં સોમારીને પડખામાં વાગતાં તે મૃત્યુ પામી હતી.
ક્ષણિક ગુસ્સા નશામાં ચૂર પત્નીની હત્યા કરી ને પછતાઈ રહ્યો છે
પત્ની સોમારી ને લાકડા થી મારતા તે ધાણા ના ખેતર માં ઢેર થઈ હતી અને તેનો પતિ રામસિંહ વીલા મોઢે લાશ પાસે ઊભો હતો અને જ્યારે વાડી માલિક ભીખુભાઇ આવ્યા ત્યારે સમગ્ર ઘટના રોતા રોતા કહી હતી વાડી માલિક ભીખુભાઇ એ આ સમગ્ર ઘટના સંભાળી ને વીરપુર પોલીસ ને જાણ કરી હતી અને વીરપુર પોલીસે હત્યારા પતિ રામસિંહ ની ઘરપક્કડ કરી ને કાયદેસર ની કાર્યવાહી શરૂ કરી હતી. ક્ષણિક ગુસ્સો માણસ ને ક્યારેક હેવાન બનાવી દે છે અને નહિ કરવા નું કરી નાખે છે આવું જ કંઈક અહીં જ બન્યું હતું અહીં રામસિંહ ક્ષણિક ગુસ્સા નશામાં ચૂર પત્નીની હત્યા કરી ને પછતાઈ રહ્યો છે અને પોલીસ લોકઅપમાં છે