બોનસ / આ કંપની પોતાના કર્મચારીઓને ડબલ પગારની સાથે આપશે 2044 કરોડનું બોનસ

• Huawei પોતાના કર્મચારીઓની ટીમને 2044 કરોડ રૂપિયાનું બોનસ આપશે
• આ પૈસા કંપનીની રિસર્ચ એન્ડ ડેવલપમેન્ટ ટીમને મળશે
• Huawei યૂએસ પર નિર્ભરતાને શિફ્ટ કરવાના પ્રયાસો પર કામ કરી રહી છે

મીડિયા રિપોર્ટ્સનું માનીએ તો આ પૈસા કંપનીની રિસર્ચ એન્ડ ડેવલપમેન્ટ (R & D Team) ટીમને મળી શકે છે. આ ટીમ કંપનીની યૂએસ પર નિર્ભરતાને શિફ્ટ કરવાના પ્રયાસો પર કામ કરી રહી છે. ન્યૂઝ એજન્સી રોયટર્સે મંગળવારે આ જાણકારી આપી. તેમા કહેવામાં આવ્યું છે કે હુવાવે પોતાના તમામ 1.90 લાખ કર્મચારીઓને આ મહીને બેગણુ વેતન પણ આપશે. 

અમેરિકાએ હુવાવેને મે માં કરી હતી બ્લેક લિસ્ટ, જાણો મામલો

હુવાવેનું કહેવું છે કે તે અમેરિકી હાર્ડવેયરના વિકલ્પ શોધી રહી છે. અમેરિકાએ હુવાવેને મેમાં બ્લેકલિસ્ટ કરી ત્યાની કંપનીઓ પર વેપાર કરવા પર પ્રતિબંધ લગાવી દીધો હતો. તેથી હુવાવે મુશ્કેલીમાં મુકાઇ હતી. કેમકે હુવાવે પોતાની ડિવાઇસીસ માટે મુખ્ય પાર્ટ્સની સપ્લાઇ માટે અમેરિકી ફર્મો પર નિર્ભર હતી. 

અમેરિકાએ હુવાવે પર બેન લગાવવા પાછળ દલીલ આપી હતી કે તેમની ડિવાઇસીસથી સુરક્ષાનો ખતરો છે. અમેરિકાનું કહેવું છે કે હુવાવેના ફાઉન્ડર રેન જ્ઞેંગફેની ચીન સરકાર સાથે નજીકના સંબંધ છે. અમેરિકા હુવાવેની ડિવાઇસીસથી જાસૂસીનો ખતરો બતાવી ચૂક્યું છે. જોકે, કંપનીએ આ પ્રકારની આશંકાઓથી ઇન્કાર કર્યો છે.

હુવાવે દુનિયાની બીજી મોટી સ્માર્ટફોન નિર્માતા કંપની છે. સ્માર્ટફોનનું વેચાણ વધવાથી તેની રેવેન્યૂમાં જુલાઇ-સપ્ટેમ્બર ક્વાર્ટરમાં 27 ટકા વધારો થયો હતો. કંપનીએ ગત મહીને પરિણામો અંગે જાણકારી આપી હતી.