Saturday, August 24, 2019
સબસ્ક્રાઈબ કરો VTVGujarati ન્યુઝ Whatsapp

ટેક્નોલોજી / Androidને ટક્કર આપવા huaweiએ લોન્ચ કરી હાર્મની ઓપરેટિંગ સિસ્ટમ

Androidને ટક્કર આપવા huaweiએ લોન્ચ કરી હાર્મની ઓપરેટિંગ સિસ્ટમ

ગુગલની એન્ડ્રોઇડ ઓપરેટિંગ સિસ્ટમને ટક્કર આપવા ચીનની ટેક જાયન્ટ કંપની હુઆવેએ આખરે નવી ઓપરેટિંગ સિસ્ટમ (OS) હાર્મની લોન્ચ કરી છે. એવું મનાઇ રહ્યું છે કે નજીકના ભવિષ્યમાં તે ચીનમાં એન્ડ્રોઇડનું સ્થાન લઇ શકે છે. હાર્મની લોન્ચ કરતા હુઆવેના કન્ઝયુમર બિઝનેસના સીઇઓ રિચર્ડ યુએ કહ્યું કે આ ઓપરેટિંગ સિસ્ટમ મોબાઇલ, સ્માર્ટ સ્પીકર્ સહિતના ડિવાઇસમાં કામ કરશે.

2020 સુધીમાં નવી ઓએસ મોબાઇલ તથા કારમાં જોવા મળતી થઇ જશે. હાર્મની માઇક્રોકેરનેલ આધારિત છે તેથી તે ઓછામાં ઓછી બેટરી અને સીપીયુ યુઝ કરશે અને ઘણી ફાસ્ટ હશે. નવી ઓએસ સી પ્લસ, જાવા, જાવા સ્ક્રિપ્ટ અને કોટલિન સહિતની તમામ લેન્ગવેજને સપોર્ટ કરે છે. ઉલ્લ્ખનીય છે કે અમેરિકાએ થોડા દિવસો પહેલા હુઆવે પર પ્રતિબંધ મુકયો હતો. 

અમેરિકા પહેલેથી જ હુઆવેને શંકાની નજરે જોવે છે અને તે નાગરિકોની જાસુસી કરતુ હોવાનો તેના પર આરોપ છે. અમેરિકાએ હુઆવેને બ્લેકલિસ્ટમાં મુકી દેતા ગુગલે પણ હુઆવેને એન્ડ્રોઇડ સહિતની ગુગલની સર્વિસીસ અને સપોર્ટ આપવાનો ઇન્કાર કરી દીધો હતો. જોકે પાછળથી આ પ્રતિબંધ ઉઠાવી લેવાયો હતો. 

અમેરિકા સાથે ઘણા વર્ષોથી ચાલતા આ વિવાદના પગલે હુઆવેએ પોતાની ઓએસ ડેવલપ કરવાની શરુઆત કરી હતી જેથી તેને ગુગલની ગરજ ન રહે. એવું પણ કહેવાય છે કે અમેરિકા ભવિષ્યમાં હુઆવે પર કોઇ પગલા ભરે તો ચીનની સરકાર ચીનમાં ગુગલ પર પ્રતિબંધ મુકી શકે છે અને ચીનની વન પ્લસ, ઓપ્પો, વીવો સહિતની જાણીતી બ્રાન્ડને પણ એન્ડ્રોઇડ ઓએસનો બહિષ્કાર કરવા કહી શકે છે. 

હુઆવે તેની મીડ રેન્ડ બ્રાન્ડ ઓનરના ફોન હાર્મની સાથે લોન્ચ કરી શકે છે. અત્યારે દુનિયામાં વેચાતા 76 ટકા ફોન એન્ડ્રોઇડ ઓએસ આધારિત હોય છે. જયારે એપલના ફોન 22 ટકા છે. હાર્મની ઓએસ એન્ડ્રોઇડ અને એપલના આઇઓએસથી અલગ છે અને અનેક પ્રકારના ડિવાઇસ અને ક્રોસ પ્લેટફોર્મ પર સરળતાથી ચાલી શકે છે તેવો હુઆવેનો દાવો છે. હુઆવે તેના સ્માર્ટ ટીવીની સિરીઝ પણ હાર્મની ઓએસ સાથે લોન્ચ કરવા જઇ રહ્યું છે.

જોવા જેવું વધુ જુઓ

બ્રેકિંગ ન્યૂઝ