ચીનના ત્રણ મોટા સ્માર્ટફોન ઉત્પાદકો ગૂગલ પ્લે સ્ટોરની સ્પર્ધામાં તેમનો એપ સ્ટોર શરૂ કરવાની તૈયારી કરી રહ્યા છે. જે પૈકી ચાઇનીઝ ટેક જાયન્ટ કંપની વાવેએ તેનો એપ સ્ટોર વાવે એપ ગેલરીના નામે લેન્ચ કર્યો છે. આ એપ ગેલેરી હાલમાં 170 દેશોમાં ઉપલબ્ધ છે. વાવેએ તેની એપ ગેલેરીને ખૂબ સલામત ગણાવી છે.
વાવેએ પોતાનો એપ સ્ટોર લોન્ચ કર્યો
ચીનના ત્રણ મોટા સ્માર્ટફોન ઉત્પાદકો ગૂગલ પ્લે સ્ટોરની સ્પર્ધામાં
વાવે તેની ઓપરેટિંગ સિસ્ટમ પણ બનાવી દીધી હતી
થોડા દિવસો પહેલા એક રિપોર્ટ સામે આવ્યો હતો કે ચીનના ત્રણ મોટા સ્માર્ટફોન ઉત્પાદકો ગૂગલ પ્લે સ્ટોરની સ્પર્ધામાં તેમનો એપ સ્ટોર શરૂ કરવાની તૈયારી કરી રહ્યા છે. જે પૈકી ચાઇનીઝ ટેક જાયન્ટ કંપની વાવેએ તેનો એપ સ્ટોર વાવે એપ ગેલરીના નામે લેન્ચ કર્યો છે. આ એપ ગેલેરી હાલમાં 170 દેશોમાં ઉપલબ્ધ છે.કંપનીનો દાવો છે કે એપ ગેલેરીના માસિક એકટિવ યુઝર્સ 4 કરોડથી વધુ છે.
વાવેએ તેની એપ ગેલેરીને ખૂબ સલામત ગણાવી છે. એપ સ્ટોરના લોન્ચિંગ વખતે કંપનીના સીઈઓ રિચાર્ડ યુએ જણાવ્યું હતું કે યુઝર્સની પ્રાઇવેસી અને સિકયોરિટી અમારા માટે સૌથી વધુ મહત્વની છે. તેમણે વધુમાં સમજાવ્યું કે સાયબર સુરક્ષા તેની પ્રથમ પ્રાથમિકતા છે.
એપ ગેલેરીમાંથી યુઝર્સ તમામ પ્રકારની એપ્લિકેશનો ડાઉનલોડ કરી શકશે. સરળ શબ્દોમાં કહીએ તો, વાવેએ તેના એપ સ્ટોરથી ગૂગલના પ્લે સ્ટોરને જવાબ આપ્યો છે. વાવેની એપ ગેલેરીમાં ન્યુઝ, સોશિયલ મીડિયા, ગેમ્સ સહિત 18 કેટેગરીઝ છે. વાવે યુઝર્સને તેઓ કઇ એપ ડાઉનલોડ કરવા માગે છે તેનું નામ પણ આપી શકશે.
તે એપ જયારે પણ એપ ગેલેરીમાં આવશે ત્યારે યુઝરને જાણ કરાશે. હવે મોટો સવાલ એ છે કે શું વાવેની ગેલેરી પર ઇન્સ્ટાગ્રામ, ફેસબુક, વોટસએપ અને મેસેંજર જેવી એપ્લિકેશન મળશે કે નહીં? તો જવાબ એ છે કે આ પ્લેટફોર્મ પર હાલમાં આમાંથી કોઈ પણ એપ ઉપલબ્ધ નથી. જોકે ટિકટોક, એમેઝોન, સ્નેપચેટ જેવી એપ આ સ્ટોર પર છે.
ઉલ્લ્ખનીય છે કે અમેરિકાએ ગયા વર્ષે વાવેને બ્લેક લિસ્ટમાં મૂકી દેતા ગૂગલ અને કવોલકોમ જેવી કંપનીઓએ હુઆવેને સપોર્ટ આપવાનું બંધ કરી દીધું હતું. તે પછી હુઆવે તેની ઓપરેટિંગ સિસ્ટમ પણ બનાવી દીધી હતી.