Honor 20 સીરીઝને ભારતમાં લોન્ચ કરી દેવામાં આવી છે. હૉનરે મંગળવારે એક ઇવેન્ટ દરમિયાન નવી દિલ્હીમાં Honor 20, Honor 20 Pro અને Honor 20i લોન્ચ કરવામાં આવી છે. લાઇન અપ પહેલા બે ડિવાઇસ પંચ હોલ ડિસ્પ્લે ધરાવે છે. Honor 20ની વાત કરીએ તો, તેની કિંમત 6GBX128GB વેરિએન્ટ માટે 32,999 રૂપિયા છે. Honor 20 અને Honor 20 Pro 25 જૂનથી ફ્લિપકાર્ટ પર મળી શકશે.
Honor 20 ના સ્પેસિફિકેશન્સ
Honor 20માં FHD+ (2340X1080) રિજોલ્યૂશન સાથે 6.26 ઇંચ ઓલવ્યૂ પંચ-હોલ ડિસપ્લે આપવામાં આવી છે. હોનરે રિયર ગ્લાસ પેનલમાં 3D ટ્રિપલ મેશ ટેક્નોલોજીનો ઉપયોગ કર્યો છે. Honor 20 ને સ્ફાયર બ્લૂ અને મિડનાઇટ બ્લેક કલરમાં લોન્ચ કરવામાં આવ્યો છે.
Honor 20 ફ્લેગશિપમાં Dual-NPU સાથે Kirin 980 AI પ્રોસેસર આપવામાં આવ્યું છે. જે 7nm પ્રોસેસ્ડ બેઝ્ડ છે. સાથે જ તેમા બેટર ગેમિંગ પરફોર્મન્સ માટે GPU ટર્બો 3.0 આપવામાં આવ્યો છે. તેમા એન્ડ્રોઇડ પાઇ બેઝ્ડ Magic UI આપવામાં આવ્યું છે. Honor 20માં બેટરી 3750 mAhની છે. બંને મોડલ્સમાં 22.5W ફાસ્ટ ચાર્જિંગનો સપોર્ટ આપવામાં આવ્યો છે.
Honor 20 રેગ્યૂલરમાં AI કેમેરા સેટઅપ આપવામાં આવ્યા છે. Honor 20માં Main કેમેરા 48 MP સોની IMX586 સેન્સર છે. તેમા F/1.4 અપર્ચર, 4 ઇન 1 લાઇટ ફ્યૂઝન, OIS, AIS અને EIS સપોર્ટ, PDAF, AI અલ્ટ્રા ક્લેરિટી અને AIS સુપર નાઇટ મોડ આપવામાં આવ્યો છે. આ ઉપરાંત તેમા 16 મેગાપિક્સલ વાઇડ એન્ગલ કેમેરો અને 3X લૉસલેસ ઝુમ સાથે 2 મેગાપિક્સેલ ડેફ્થ કેમેરા આપેલ છે. Honor 20માં સેલ્ફી માટે 32 મેગાપિક્સેલ કેમેરા આપવામાં આવ્યો છે.
US પ્રતિબંધથી મુશ્કેલી
ચાઇનીઝ ટેક કંપની huawei પર અમેરિકાની ટ્રમ્પ સરકાર તરફથી લગાવવામાં આવેલા પ્રતિબંધ બાદ કંપનીની મુશ્કેલી વધતી જઇ રહી છે. આ પ્રતિબંધને પગલે huawei અમેરિકામાં બનેલા પાર્ટ્સ અને સર્વિસીઝ પોતાના પ્રોડક્ટનો ઉપયોગ કરી નથી શકતી. પ્રતિબંધને કારણે huawei પોતાના સ્માર્ટફોન્સમાં એન્ડ્રોઇડ ઓએસ સિસ્ટમ પણ આપી શકતી નથી. જોકે આ મામલે ગૂગલે અમેરિકાની સરકાર સાથે મતભેદ દર્શાવ્યા છે. હાલ huawei ગૂગલની એપ્સ ઉપયોગ કરી નથી શકતી.