HSBC બેન્ક પોતાના ખર્ચમાં ઘટાડો કરવા માટે આવનારા દિવસોમાં હજારો લોકોને બહારનો રસ્તો બતાવી શકે છે. 'ફાઇનાન્શિયલ ટાઇમ્સ' ની રિપોર્ટ મુજબ, 'HSBC હોલ્ડિંગ્સ પીએલવી' ખર્ચ ઘટાડવામાં લાગી ગઇ છે. અને તેને કારણે 10,000થી વધારે લોકોની નોકરીઓ ખતરામાં છે.
HSBC બેન્ક ખર્ચમાં ઘટાડો કરવા માટે કર્મચારીઓને બતાવશે બહારનો રસ્તો
HSBC બેન્કના 10,000થી વધારે લોકોની નોકરીઓ ખતરામાં
કંપનીના થર્ડ ક્વાર્ટરના એલાન બાદ લેવાશે પગલા
સમાચાર પત્ર સાથેની વાતચીતમાં એક વ્યક્તિએ કહ્યું કે યૂરોપીય લોકોને આટલા મોટા પ્રમાણમાં બેન્કે કેમ નોકરીઓ પર રાખ્યા છે, જ્યારે એશિયાથી ડબલ ડિજિટ રિટર્ન મળી રહ્યું છે. માનવામાં આવી રહ્યું છે કે બેન્કની ટોપ લિસ્ટમાં 4700 એવા કર્મચારીઓ છે, જે જરુર કરતા વધારે છે. માનવામાં આવી રહ્યું છે કે, આ લોકોની નોકરીઓ પર કાપ ત્યારે મુકાશે, જ્યારે બેન્ક પોતાના થર્ડ ક્વાર્ટરનું આવતા મહીને એલાન કરશે.
હિન્દુસ્તાન ટાઇમ્સે આ મામલે HSBC બેન્કના પ્રવક્તા સાથે વાત કરવાની કોશિશ કરી હતી. એમનું કહેવું છે કે પ્રવક્તાએ આ મામલે કોઇપણ પ્રકારની ટિપ્પણી કરવાનો ઇનકાર કર્યો છે. નોંધનીય છે કે, આ પહેલા ઘટાડાની જાહેરાત ઓગસ્ટમાં કરવામાં આવી હતી.
એ દરમિયાન મુખ્ય કાર્યકારી અધિકારી જોન ફ્લિન્ટે 18 મહીનાની સેવા બાદ બેન્ક છોડી દીધી હતી. મીડિયા રિપોર્ટ મુજબ, બેન્કના અંતરિમ રિપોર્ટમાં બતાવાયું છે કે એમણે જુન સુધીમાં 2.38 લાખ લોકોને રોજગાર આપ્યા હતા.