IPLIN
 

મદદ / રિતિક રોશને વૃદ્ધો અને જરૂરિયાતમંદોની મદદ કરી, આટલા લાખ લોકો માટે પૌષ્ટિક ભોજનની સુવિધા કરી

Team VTV 11:51 AM, 08 Apr 20 | Updated: 12:20 PM, 08 Apr 20
Follow us
hrtihik roshan funding ngo for providing healthy meals to people tweet viral

કોરોનાનો કહેર જ્યાં સતત વધતો જઈ રહ્યો છે ત્યાં મદદ માટે બોલિવૂડ સ્ટાર્સ પણ પાછીપાની નથી કરી રહ્યાં. સેલિબ્રિટીસ સતત લોકોની મદદ માટે દિલ ખોલીને દાન આપી રહ્યાં છે. ત્યારે હાલમાં જ બોલિવૂડ એક્ટર રિતિક રોશન વૃદ્ધો અને જરૂરિયાતમંદોની મદદ માટે આગળ આવ્યો છે.

  • કોરોના સંકટમાં સેલિબ્રિટીસ દેખાડી રહ્યાં છે દરિયાદિલી
  • એક પછી એક સેલેબ્સ મદદ માટે આવી રહ્યો છે આગળ
  • હવે રિતિક રોશને 1.2 લાખ હેલ્ધી ફૂડ પેકેટની વ્યવસ્થા કરી

રિતિક રોશને મુંબઈ મ્યુનિસિપલ કોર્પોશનના વર્કર્સની સુરક્ષા માટે N95 અને FFP3 માસ્ક આપ્યા હતા. હવે, રિતિક રોશન હવે એવા લોકોની મદદ માટે આગળ આવ્યો છે જે લોકોને જમવાની વ્યવસ્થા નથી, એવા લોકો માટે રિતિક 1.2 લાખ પૌષ્ટિક ભોજનના પેકેટનું વિતરણ કરી શકાય તે માટે મદદ કરી રહ્યો છે. 

હકીકતમાં રિતિક રોશન અક્ષય પાત્ર નામના એનજીઓ સાથે જોડાયો છે. આ સંસ્થા દેશભરમાં વૃદ્ધાશ્રમો, દૈનિક શ્રમિકો તથા જરૂરિયાતમંદ લોકોને પૌષ્ટિક ભોજન મળી રહે તે માટે દિવસ-રાત મહેનત કરી રહ્યા છે. આ વાતની જાણકારી રિતિકે તેના ટ્વિટર હેન્ડલ પર આપી છે. ત્યારે અક્ષય પાત્ર એનજીઓને રિતિકથી મદદ મળવા પર તેનો આભાર વ્યક્ત કર્યો છે અને લખ્યું છે કે, રિતિકે અમારા ફાઉન્ડેશનને સશક્ત બનાવવામાં મદદ કરી છે. અમે બધાં મળીને હવે વધુને વધુ લોકોને પૌષ્ટિક ભોજનની સુવિધા પૂરી પાડીશું. 

જ્યારે રિતિક રોશને ટ્વિટ કરીને લખ્યું- હું તમને એ વાત નક્કી કરવાની શક્તિ આપું છું કે આપણાં દેશમાં એક પણ વ્યક્તિ ભૂખ્યું ન સૂવે. તમે અસલી સુપરહિરો છો. રિતિકના આ ટ્વિટ પર લોકો ખૂબ પ્રતિક્રિયા આપી રહ્યાં છે. તમને જણાવી દઈએ કે, લોકડાઉનના સમયમાં રિતિક પૂર્વ પત્ની સુઝાન ખાન, પેરેન્ટ્સ અને બાળકો સાથે મુંબઈમાં જ છે. 

Hrithik Roshan Food needy people Coronavirus Pandemic Bollywood News donation
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ